ព័ត៌មានអន្ដរជាតិ

ស្ពានយោលវែងបំផុតលើពិភពលោក នៅ តួកគី នឹងបើកដំណើរការឆ្នាំ ២០២២

បានផុស

៥ years មុន

នៅ

ថ្ងៃសុក្រ ២៩ តុលា ២០២១

ដោយ

ស្ពានយោល Canakkale 1915 ក្នុងខេត្តភាគពាយ័ព្យ នៃប្រទេសតួកគី កំពុងតែសាងសង់ជិតរួចជាស្ថាពរ ហើយគ្រោងនឹងបើកដំណើរការជាផ្លូវការ នៅថ្ងៃទី ១៨ ខែ មីនា ឆ្នាំ ២០២២ ខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ពាននេះចាប់សាងសង់ឡើងតាំងពីថ្ងៃទី ១៨ ខែ មីនា ឆ្នាំ ២០១៧ មានប្រវែង ២,០២៣ ម៉ែត្រ និងកម្ពស់ ៣១៨ ម៉ែត្រវាត់ទីពីស្ពាន Akashi Kaikyo របស់ប្រទេសជប៉ុនមក ដែលមានប្រវែងប្រវែង ១,៩៩២ ម៉ែត្រ។

ចំណែកប៉មពណ៌ក្រហម-ស ដ៏លេចធ្លោពីររបស់ខ្លួន ដែលនៅជាប់ស្ពាន តំណាងឲ្យទង់ជាតិប្រទេសតួកគី មានកម្ពស់ ៣៣៤ ម៉ែត្រ ដែលធ្វើឲ្យវាក្លាយជាស្ពានខ្ពស់បំផុតក្នុងពិភពលោក។

លោក Basar Arıoglu កូនប្រុសរបស់លោក Ersin និងជាប្រធានក្រុមហ៊ុន Yapi Merkezi មានប្រសាសន៍ថា “គម្រោងនេះ គឺបង្ហាញពីឆ្នាំទី ១០០ នៃសាធារណរដ្ឋតួកគី” ។

លោក Adil Karaismailoglu រដ្ឋមន្ត្រីដឹកជញ្ជូន និងហេដ្ឋារចនាសម្ព័ន្ធ បាននិយាយថា ក្រុមហ៊ុនបណ្ដាក់ទុនរួមគ្នា DLSY បានចំណាយប្រាក់ចំនួន ២.៣ ពាន់លានអឺរ៉ូ លើការសាងសង់ស្ពាន Canakkale 1915 នេះ ។

ស្ពានយោលនេះ នឹងត្រូវតភ្ជាប់ទៅនឹងផ្លូវ Malkara-Çanakkale Motorway ហើយនឹងក្លាយជាផ្នែកដ៏សំខាន់បំផុតនៃផ្លូវ ១០១ គីឡូម៉ែត្រ។ ជាពិសេស វានឹងកាត់បន្ថយពេលវេលាឆ្លងកាត់ពី Dardanelles មកត្រឹម ៦ នាទីប៉ុណ្ណោះ ។

ផ្លូវហាយវេដែលកាត់ស្ពាននេះ រួមមានផ្លូវកាត់ចំនួន ៤ ផ្លូវប្រសព្វចំនួន ១២ ស្ពាននិងផ្លូវឆ្លងកាត់ចំនួន ៥៥ កន្លែង ផ្លូវក្រោមដីចំនួន ៤០ ផ្លូវក្រោមដីចំនួន ២៣៨ កន្លែង កន្លែងផ្តល់សេវាផ្លូវល្បឿនលឿនចំនួន ៤ កន្លែង មជ្ឈមណ្ឌលប្រតិបត្តិការថែទាំចំនួន ២ និងស្ថានីយបង់ប្រាក់ចំនួន ៧។

លោក Karaismailoglu បានបន្ថែមថា “ស្ពានយោល Canakkale 1915 នឹងរួមបញ្ចូលគម្រោងដឹកជញ្ជូនផ្លូវថ្នល់ជាមួយនឹងកំពង់ផែ ប្រព័ន្ធផ្លូវដែក និងផ្លូវអាកាសនៅក្នុងតំបន់ Marmara និង Aegean ” ៕

ប្រែសម្រួល៖ សាង ស្រីល័ក្ខ

ប្រភព៖CK

ចុចអាន៖ត្រឹម២៤ម៉ោងទួរគីស្លាប់ច្រើនបំផុតមិនធ្លាប់មានដោយកូវីដ-១៩

Related Topics:ប្រទេសតួកគី