ចិន កត់ត្រាករណីឆ្លងកូវីដក្នុងសហគមន៍ អាក្រក់បំផុតមិនធ្លាប់ជួបសោះ ៦សប្តាហ៍មកនេះ

កាលពីថ្ងៃសុក្រទី២៩ ខែតុលា ប្រទេសចិន បានកត់ត្រាករណីឆ្លងជំងឺកូវីដ-១៩ ក្នុងសហគមន៍ប្រចាំថ្ងៃខ្ពស់បំផុត មិនធ្លាប់មានសោះក្នុងរយៈពេលជាងប្រាំមួយសប្តាហ៍មកនេះ ខណៈប្រទេស កំពុងប្រយុទ្ធប្រឆាំងនឹងការផ្ទុះឡើងដែលភាគច្រើន នៅខេត្តភាគខាងជើង។

គណៈកម្មាធិការសុខភាពជាតិបាននិយាយនៅថ្ងៃសៅរ៍នេះថា ប្រទេសចិនបានរាយការណ៍ពីការឆ្លងក្នុងសហគមន៍ថ្មីចំនួន ៥៩ករណី នៅថ្ងៃទី២៩ ខែតុលា ពោលគឺកើនឡើងពី ៤៨ករណី កាលពីថ្ងៃ២៨។ វាជាករណីឆ្លងក្នុងសហគមន៍ខ្ពស់បំផុត គិតចាប់តាំងពីថ្ងៃទី ១៦ខែកញ្ញាមក។

ករណីក្នុងសហគមន៍ថ្មី ភាគច្រើនគឺនៅភាគខាងជើងប្រទេសចិន ដោយការឆ្លងត្រូវបានគេរាយការណ៍នៅក្នុងទីក្រុង Heilongjiang, Inner Mongolia, Gansu, Beijing និង Ningxia។

រាប់បញ្ចូលទាំងការឆ្លងដែលនាំចូលពីបរទេសផងដែរ ប្រទេសចិនបានកត់ត្រាករណីឆ្លងកូវីដថ្មីចំនួន ៧៨ករណី សម្រាប់ថ្ងៃទី២៩ខែតុលា ពោលគឺកើនឡើងពី ៦៤ករណី កាលពីថ្ងៃទី២៨។

ទោះបីជាយ៉ាងណាក៏ដោយ មិនមានអ្នកស្លាប់ថ្មីទេ ដែលធ្វើឲ្យចំនួនអ្នកស្លាប់សរុបនៅតែរក្សា ៤,៦៣៦នាក់ដដែល៕

ប្រែសម្រួល៖ សន្យា

ប្រភព៖ CNA

ចុចអាន៖ ថៃ រកវិធីតភ្ជាប់ជាមួយផ្លូវដែក ឡាវ-ចិន ទាញភ្ញៀវទេសចរចូលប្រទេស

ចុចអាន៖ ទីភ្នាក់​ងារ​ចារកម្ម​អាមេរិក​ថា ប្រភព​ដើម​កូវីដ​ប្រហែល​ជា​រកមិន​ឃើញ​ទេ