ព័ត៌មានអន្ដរជាតិ
ប្រុងប្រយ័ត្នការនាំចូល! វៀតណាម កំពុងផ្ទុះខ្លាំងជំងឺប៉េស្តជ្រូកអាហ្រ្វិក
រដ្ឋាភិបាលវៀតណាមបាននិយាយកាលពីថ្ងៃព្រហស្បតិ៍ថា ការផ្ទុះឡើងនៃជំងឺប៉េស្តជ្រូកអាហ្រ្វិកកំពុងរីករាលដាលយ៉ាងខ្លាំងនៅក្នុងប្រទេសវៀតណាម ហើយកំពុងធ្វើឲ្យប៉ះពាល់ដល់ឧស្សាហកម្មកសិកម្មក្នុងស្រុក ដោយបង្ខំឲ្យមានការសម្លាប់ជ្រូក ៣ ដងនៃចំនួនសត្វជ្រូកដែលបានសម្លាប់កាលពីឆ្នាំមុន ។
រដ្ឋាភិបាលបាននិយាយនៅក្នុងសេចក្តីថ្លែងការណ៍មួយថា “ការផ្ទុះឡើងនេះកំពុងវិវឌ្ឍក្នុងលក្ខណៈស្មុគស្មាញ និងកំពុងគំរាមកំហែងក្នុងទ្រង់ទ្រាយធំ” ។
រដ្ឋាភិបាលបាននិយាយថា ការផ្ទុះឡើងនៅឆ្នាំនេះបានរីករាលដាលដល់តំបន់ចំនួន ២,២៧៥ ក្នុងទីក្រុងចំនួន ៥៧ ក្នុងចំណោមទីក្រុង និងខេត្តចំនួន ៦៣ របស់ប្រទេសនេះ ហើយរហូតមកដល់ពេលនេះអាជ្ញាធរបានសម្លាប់សត្វជ្រូកចំនួន ២៣០,០០០ ក្បាល ។
ប្រទេសវៀតណាមបានរាយការណ៍ករណីជំងឺប៉េស្តជ្រូកអាហ្វ្រិកជាលើកដំបូងក្នុងចំណោមហ្វូងជ្រូករបស់ខ្លួនក្នុងខែកុម្ភៈ ឆ្នាំ ២០១៩ ។
ជំងឺនេះបានបង្ខំឲ្យមានការសម្លាប់ប្រហែល ២០ ភាគរយនៃហ្វូងជ្រូករបស់វៀតណាម ហើយតម្លៃសាច់ជ្រូកក្នុងស្រុកបានកើនឡើងទ្វេដងគិតត្រឹមដើមឆ្នាំមុន ។
ក្រោយមកការរាតត្បាតនេះបានថយចុះ ក្នុងអំឡុងពេលនៅចុងឆ្នាំមុន និងដើមឆ្នាំនេះ ដែលអនុញ្ញាតឱ្យប្រទេសនេះបង្កើនហ្វូងសត្វជ្រូករបស់ខ្លួនឡើងវិញ ។
គួរបញ្ជាក់ថា ជំងឺប៉េស្តជ្រូកអាហ្រ្វិកមិនបង្កគ្រោះថ្នាក់ដល់មនុស្សទេ ប៉ុន្តែជារឿយៗអាចបណ្តាលឲ្យជ្រូកស្លាប់ ។ វាមានដើមកំណើតនៅទ្វីបអាហ្រ្វិក មុនពេលរីករាលដាលដល់ទ្វីបអឺរ៉ុប និងអាស៊ី ហើយបានសម្លាប់ជ្រូករាប់រយលានក្បាល ៕
ប្រែសម្រួលដោយ ៖ ជីវ័ន្ត
ប្រភព ៖ Tuoi Tre
ចុចអាន ៖ អ្នកជំនាញ វៀតណាម ថា ឆ្នាំក្រោយ កូវីដ នឹងក្លាយជាជំងឺធម្មតា ស្រដៀង ផ្ដាសាយ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង