ព័ត៌មានអន្ដរជាតិ
លោក ប្រាយុទ្ធ ព្រមានប្រជាជន ថៃ កុំធ្វើដំណើរទៅប្រទេសមាន វីរុសបំប្លែងខ្លួន Omicron
នាយករដ្ឋមន្ត្រីថៃលោក ប្រាយុទ្ធ ចាន់អូចា បានព្រមានប្រជាជនថៃឲ្យជៀសវាងការធ្វើដំណើរទៅកាន់ប្រទេសមានវីរុសកូវីដបំប្លែងខ្លួនថ្មីឈ្មោះ Omicron ដែលត្រូវបានរកឃើញដំបូងនៅអាហ្វ្រិកខាងត្បូង ។
ថ្លែងបន្ទាប់ពីកិច្ចប្រជុំរបស់មជ្ឈមណ្ឌលគ្រប់គ្រងស្ថានការណ៍ជំងឺកូវីដ ១៩ (CCSA) លោកឧត្តមសេនីយ៍ ប្រាយុទ្ធ បាននិយាយថា លោកបានទទួលដំណឹងអំពីមេរោគថ្មី ហើយបានណែនាំដល់ក្រសួងសុខាភិបាលសាធារណៈ និងនាយកដ្ឋានគ្រប់គ្រងជំងឺឲ្យតាមដានស្ថានការណ៍នេះយ៉ាងដិតដល់ ។
លោកនាយករដ្ឋមន្ត្រីបាននិយាយថា “កុំធ្វើដំណើរទៅកាន់ប្រទេសទាំងនោះដើម្បីជៀសវាងការឆ្លងវីរុស ហើយលោកសូមលើកទឹកចិត្តមនុស្សកាន់តែច្រើនឲ្យទទួលការចាក់វ៉ាក់សាំងកូវីដ” ។
ចំណែកអ្នកឯកទេសខាងមេរោគដ៏ល្បីឈ្មោះលោកវេជ្ជបណ្ឌិត Yong Poovorawan ប្រធានមជ្ឈមណ្ឌលឧត្តមភាពផ្នែករោគល្អិតនៃមហាវិទ្យាល័យវេជ្ជសាស្ត្រនៃសាកលវិទ្យាល័យ Chulalongkorn បាននិយាយថា រដ្ឋាភិបាលគួរតែរឹតបន្តឹងវិធានការត្រួតពិនិត្យសុខភាព ដើម្បីទប់ស្កាត់ការចូលនៃអ្នកដំណើរមកពីអាហ្វ្រិកខាងត្បូងជាពិសេស ។
គួរបញ្ជាក់ថា អង្គការសុខភាពពិភពលោក (WHO) បានប្រកាសពីរកឃើញវីរុសបំប្លែងខ្លួនប្រភេទថ្មី B.1.1.529 នៅអាហ្វ្រិកខាងត្បូង ។ WHO បានដាក់ឈ្មោះវីរុសថ្មីនេះដោយអក្សរក្រិកថា Omicron ហើយមេរោគថ្មីនេះគឺអាចឆ្លងច្រើនជាងប្រភេទមុនៗ ហើយមានការវិវត្តច្រើនមិនធម្មតា ៕
ប្រែសម្រួលដោយ ៖ ជីវ័ន្ត
ប្រភព ៖ The Nation
ចុចអាន ៖ គ្រូពេទ្យជំនាញ ថៃ ថា កូវីដ មិនទៅណាទេ ដូចកាលជំងឺ SARS ក្នុងឆ្នាំ ២០០៣
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)