អ្នកវិទ្យាសាស្ត្រអ៊ីរ៉ង់ Mohsen Fakhrizadeh ត្រូវបានធ្វើឃាតដោយមានជំនួយពីឧបករណ៍ផ្កាយរណប
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អ្នកវិទ្យាសាស្ត្រអ៊ីរ៉ង់ Mohsen Fakhrizadeh ត្រូវបានធ្វើឃាតដោយមានជំនួយពីឧបករណ៍ផ្កាយរណប

បានផុស

នៅ

របាយការណ៍អះអាងថា ការធ្វើឃាតអ្នកវិទ្យាសាស្ត្រនុយក្លេអ៊ែរអ៊ីរ៉ង់លោក Mohsen Fakhrizadeh ត្រូវបានជួយដោយផ្កាយរណប និងបច្ចេកវិទ្យា AI ខណៈលោកត្រូវបានខ្មាន់កាំភ្លើងបាញ់សម្លាប់នៅថ្ងៃទី ២៧ ខែវិច្ឆិកា ក្នុងវ័យ ៦១ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជុំវិញពេលវេលាដែលលោកទទួលមរណភាព លោក Ramazan Sharif អ្នកនាំពាក្យនៃក្រុមឆ្មាំបដិវត្តឥស្លាមបាននិយាយថា “ការធ្វើឃាតអ្នកវិទ្យាសាស្ត្រនៅតាមផ្លូវជាមួយឧបករណ៍ផ្កាយរណបមិនអាចធ្វើឲ្យខូចដល់សន្តិសុខរបស់យើងបានទេ” ។

ទន្ទឹមនោះមន្ត្រីយោធាអ៊ីរ៉ង់លោក Ali Fadavi អះអាងថា ការធ្វើឃាតលោក Fakhrizadeh ត្រូវបានធ្វើឡើង នៅពេលដែលកាំភ្លើងយន្តបានពង្រីកលើមុខរបស់លោក Fakhrizadeh មុនពេលបាញ់ ១៣ គ្រាប់ ។

គាត់បានបន្តថា អាវុធនោះត្រូវបានដាក់លើឡាន Nissan និងផ្តោតតែទៅលើមុខរបស់លោក Fakhrizadeh តែប៉ុណ្ណោះ ទោះបីជាស្ថិតនៅចម្ងាយតែ ២៥ សង់ទីម៉ែត្រពីប្រពន្ធរបស់គាត់ក៏ដោយក៏មិនត្រូវបានបាញ់ចំឡើយ ។ កាំភ្លើងយន្តត្រូវបានគ្រប់គ្រងតាមអ៊ីនធឺណិតតាមរយៈផ្កាយរណប ហើយបានប្រើប្រាស់កាមេរ៉ាទំនើប និងបច្ចេកវិទ្យា AI ។

លោកបានបន្តទៀតថា “យើងបានត្រួតពិនិត្យ ហើយបានរកឃើញថា ផ្កាយរណបមួយកំពុងគ្រប់គ្រងកាំភ្លើងយន្តពីចម្ងាយ ហើយមិនមានភេរវករនៅកន្លែងកើតហេតុនោះទេ” ។

កាលពីសប្តាហ៍មុនវាត្រូវបានគេអះអាងថា អ៊ីស្រាអែលគឺស្ថិតនៅពីក្រោយការវាយប្រហារនេះ បន្ទាប់ពីសំណល់នៃអាវុធសម្លាប់បានបង្ហាញថា វាមានប្រភពចេញពីយោធាអ៊ីស្រាអែល ។

បន្ថែមពីនេះរដ្ឋមន្រ្តីស៊ើបការណ៍សម្ងាត់អ៊ីស្រាអែលលោក Eli Cohen បានអះអាងថា រដ្ឋាភិបាលអ៊ីស្រាអែលគ្មានគំនិតអ្វីដែលនៅពីក្រោយការវាយប្រហារទៅលើលោក Fakhrizadeh នោះទេ ។ គាត់បានបន្តទៀតថា ការវាយប្រហារនេះបានធ្វើឲ្យពិភពលោកមានសុវត្ថិភាពជាងមុន ខណៈដែលលោក Fakhrizadeh មានចំណែកយ៉ាងសកម្មក្នុងការបង្កើតអាវុធនុយក្លេអ៊ែរ ៕

ប្រែសម្រួលដោយ ៖ ជីវ័ន្ត

ប្រភព ៖ Daily Star

ចុចអាន ៖ អ៊ីស្រាអែលប្រាប់អ្នកវិទ្យាសាស្ត្រចង្ក្រានរ៉េអាក់ទ័រប្រុងប្រយ័ត្នខ្លួន ក្រោយការធ្វើឃាតមេនុយក្លេអ៊ែរអ៊ីរ៉ង់

ចុចអាន ៖ អ្នកវិទ្យាសាស្ត្រអ៊ីរ៉ង់ត្រូវធ្វើឃាតក្នុងផែនការដែលចូលរួមដោយអ្នកវាយប្រហារចំនួន ៦២ នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services