ព័ត៌មានអន្ដរជាតិ
ចិន រុស្ស៊ី អ៊ីរ៉ង់ ប្រកាសធ្វើសមយុទ្ធរួមគ្នា បង្ហាញសាច់ដុំ ចំពេលស្ថានការណ៍តំបន់ កាន់តែតានតឹង
ស្របពេលដែលស្ថានការណ៍កាន់តែតានតឹង មេបញ្ជាការកងទ័ពជើងទឹកអ៊ីរ៉ង់ គឺឧត្តមនាវីឯក Shahram Irani បានប្រកាសថា អ៊ីរ៉ង់ ចិន និងរុស្ស៊ី នឹងធ្វើសមយុទ្ធកងទ័ពជើងទឹករួមគ្នាក្នុងឈូងសមុទ្រអូម៉ង់ មុនដំណាច់ខែមីនា។
![](https://www.kampucheathmey.com/wp-content/uploads/2024/02/image-307.png)
ទីភ្នាក់ងារសារព័ត៌មាន Tasnim បានដកស្រង់សម្តីគាត់ ដែលនិយាយថា “យើងក៏អញ្ជើញប្រទេសផ្សេងទៀតឲ្យចូលរួមក្នុងសមយុទ្ធកងទ័ពជើងទឹករវាងភាគីទាំងបីនេះផងដែរ”។
យោងតាមលោក Irani, សមយុទ្ធនេះមានគោលបំណងធានាសន្តិសុខក្នុងតំបន់ និងត្រូវបានធ្វើឡើងដើម្បីផលប្រយោជន៍រួមរបស់ភាគីចូលរួម។ ទោះបីជាយ៉ាងណាក៏ដោយ មិនមានព័ត៌មានច្បាស់អំពីកម្លាំងទ័ពនិងទំហំសព្វាវុធ ដែលចូលរួមក្នុងសមយុទ្ធនេះទេ។
![](https://www.kampucheathmey.com/wp-content/uploads/2024/02/image-309-1024x682.png)
សមយុទ្ធនេះធ្វើឡើង ចំពេលដែលស្ថានការណ៍កាន់តែវឹកវរ ហើយតំបន់មជ្ឈិមបូព៌ា កំពុងញាំញីដោយជម្លោះ ជាពិសេសសង្គ្រាមអ៊ីស្រាអែល-ហាម៉ាស, ការវាយប្រហារសងសឹករបស់អាមេរិកនៅអ៊ីរ៉ាក់និងស៊ីរី និងការវាយប្រហាររបស់ក្រុមហ៊ូធីលើកប៉ាល់ពាណិជ្ជកម្ម ក្នុងសមុទ្រក្រហម។
ក្នុងរយៈពេលប៉ុន្មានឆ្នាំថ្មីៗនេះ កងទ័ពជើងទឹកអ៊ីរ៉ង់ បានបង្កើនវត្តមានរបស់ខ្លួននៅក្នុងដែនទឹកអន្តរជាតិ ដើម្បីការពារផ្លូវទឹកក៏ដូចជាផ្តល់សុវត្ថិភាពសម្រាប់កប៉ាល់ពាណិជ្ជករ និងនាវាដឹកប្រេង ខណៈមន្ត្រីយោធាប្រទេសនេះនិយាយថា កងទ័ពជើងទឹករបស់ខ្លួន កំពុងប្រុងជើងការខ្ពស់ ដើម្បីការពារប្រទេសប្រឆាំងនឹងការគំរាមកំហែង ឬសកម្មភាពឈ្លានពានណាមួយ ហើយការពង្រឹងវត្តមានកងនាវាចម្បាំងនៅសមុទ្រ គឺបង្ហាញពីថាមពលនិងកម្លាំងរបស់អ៊ីរ៉ង់។
![](https://www.kampucheathmey.com/wp-content/uploads/2024/02/image-310.png)
កាលពីថ្ងៃទី១៦-១៧ខែមីនាឆ្នាំមុន រុស្ស៊ី ចិន និងអ៊ីរ៉ង់ ក៏បានធ្វើសមយុទ្ធត្រីភាគី ដែលមានឈ្មោះថា ខ្សែក្រវាត់សន្តិសុខដែនសមុទ្រ២០២៣ នៅសមុទ្រអារ៉ាប់ ក្បែរកំពង់ផែ Chabahar របស់អ៊ីរ៉ង់ផងដែរ។
កងនាវាចរភាគខាងជើងរបស់រុស្ស៊ីបាននិយាយក្នុងសេចក្តីថ្លែងការណ៍មួយថា អ្នកចូលរួមសមយុទ្ធនោះ បានអនុវត្តបេសកកម្មជាច្រើន ដូចជាការប្រយុទ្ធរួមគ្នា ការបាញ់កាំភ្លើងធំដាក់គោលដៅកងទ័ពជើងទឹក វាយប្រហារគោលដៅលើអាកាស ការបណ្តុះបណ្តាលពីរបៀបរំដោះកប៉ាល់ដែលមានចំណាប់ខ្មាំង និងជួយកប៉ាល់ដែលរងគ្រោះក្នុងសមុទ្រ៕
អត្ថបទ៖ សុខ សុវណ្ណ
ចុចអាន៖ អាមេរិក-កូរ៉េខាងត្បូង ធ្វើសមយុទ្ធបាញ់គ្រាប់ពិត នៅកៀកព្រំដែន កូរ៉េខាងជើង
![](https://kampucheathmey.com/wp-content/uploads/2020/12/1-01-2-01-1.png)
-
សេដ្ឋកិច្ច១ សប្តាហ៍ ago
វ័យត្រឹម១៩ឆ្នាំសោះ កូនប្រុសអ្នកឧកញ៉ា គិត ម៉េង អាចនាំយកយីហោសណ្ឋាគារផ្កាយ៦ មកកាន់កម្ពុជា
-
ព័ត៌មានជាតិ១ សប្តាហ៍ ago
នាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍
-
សេដ្ឋកិច្ច២ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ៣ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម១ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច៣ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
សន្តិសុខសង្គម៦ ថ្ងៃ ago
បុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ
-
ព័ត៌មានជាតិ៦ ថ្ងៃ ago
ពលរដ្ឋខេត្តបាត់ដំបងយ៉ាងច្រើនកុះករ សប្បាយខ្ញៀវខ្ញារពេល ព្រះអង្គ ចន្ទ មុនី និមន្តមកដល់ ដើម្បីប្រោះព្រំ