ព័ត៌មានអន្ដរជាតិ

អាមេរិកអនុញ្ញាតឲ្យប្រើថ្នាំគ្រាប់ Molnupiravir ព្យាបាលកូវីដផ្លូវការហើយ

បានផុស

២ years មុន

នៅ

ថ្ងៃសុក្រ ២៤ ធ្នូ ២០២១

ដោយ

រដ្ឋបាលចំណីអាហារ និងឱសថ (FDA) អាមេរិក នៅថ្ងៃទី២៣ ខែធ្នូ បានអនុញ្ញាតជាផ្លូវការសម្រាប់ការប្រើប្រាស់ថ្នាំគ្រាប់ព្យាបាលកូវីដ-១៩ របស់ក្រុមហ៊ុន Merck បន្ទាប់ពីអនុញ្ញាតឲ្យប្រើថ្នាំគ្រាប់ព្យាបាលដូចគ្នាគឺ Pfizer កាលពីថ្ងៃពុធ។

ថ្នាំគ្រាប់ Molnupiravir ដែលត្រូវបានផលិតដោយក្រុមហ៊ុន Merck សហការជាមួយក្រុមហ៊ុន Ridgeback Biotherapeutics មានប្រសិទ្ធភាពកាត់បន្ថយការឈឺធ្ងន់ និងស្លាប់បានប្រមាណ៣០%ដែលបានបង្ហាញក្នុងការធ្វើពិសោធទៅលើបុគ្គលដែលមានហានិភ័យនៃជំងឺកូវីដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារសុខាភិបាលអាមេរិកបានអនុញ្ញាតជាផ្លូវការសម្រាប់ថ្នាំគ្រាប់នេះសម្រាប់ការព្យាបាលអ្នកជំងឺកូវីដ-១៩កម្រិតស្រាលទៅមធ្យម។

រដ្ឋាភិបាលសហរដ្ឋអាមេរិកបានចុះកុងត្រាទិញថ្នាំគ្រាប់ Molnupiravir នេះចំនួន៥លានដូសរួចទៅហើយដែលមួយដូសតម្លៃ៧០០ដុល្លារអាមេរិក។

រដ្ឋបាលចំណីអាហារ និងឱសថអាមេរិកបញ្ជាក់ក្នុងសេចក្តីប្រកាសថា ថ្នាំគ្រាប់នេះមិនត្រូវបានអនុញ្ញាតឲ្យប្រើសម្រាប់អ្នកជំងឺឆ្លងកូវីដវ័យក្រោមក្រោម១៨ឆ្នាំទេ ពីព្រោះវាប្រហែលជាប៉ះពាល់ដល់ការលូតលាស់ឆ្អឹង និងឆ្អឹងខ្ចី។

កាលពីថ្ងៃពុធរដ្ឋបាលចំណីអាហារ និងឱសថអាមេរិក (FDA) បានអនុញ្ញាតឲ្យថ្នាំគ្រាប់ Paxlovid របស់ក្រុមហ៊ុន Pfizer សម្រាប់ប្រើព្យាបាលលើអ្នកជំងឺកូវីដអាយុ ១២ ឆ្នាំឡើងទៅដែលមានហានិភ័យខ្ពស់ក្នុងការធ្លាក់ខ្លួនឈឺធ្ងន់ធ្ងរ ៕

ប្រែសម្រួល៖ វីរបុត្រ
ប្រភព៖ Reuters

Related Topics:

Up Next

ប្រធានាធិបតីកូរ៉េខាងត្បូងទំនងលើកលែងទោសអតីតប្រធានាធិបតី Park ដែលជាប់ពន្ធធនាគារ២០ឆ្នាំ

Don't Miss

វៀតណាម ត្រៀមបន្តគម្រោងសាងសង់រោងចក្រនុយក្លេអ៊ែរឡើងវិញ ក្រោយផ្អាក ១០ ឆ្នាំ