កីឡា

ជម្រុះ World Cup យប់មិញ ក្រុមអាស៊ានសុទ្ធតែចាញ់ច្រើនគ្រាប់ដូចគ្នា

បានផុស

២ years មុន

នៅ

ថ្ងៃពុធ ២៧ មីនា ២០២៤

ដោយ

ក្រុមបាល់ទាត់ជម្រើសជាតិនៅតំបន់អាស៊ីអាគ្នេយ៍សុទ្ធតែទទួលរងបរាជ័យសម្រាប់ការប្រកួតជម្រុះជើងឯកពិភពលោកជុំទី២ World Cup និង AFC Asian Cup Qualification នៅយប់ថ្ងៃទី២៦ ឈានចូលថ្ងៃទី២៧ ខែមីនា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាល់ទាត់ជម្រើសជាតិមីយ៉ាន់ម៉ាបានបរាជ័យក្រោមថ្វីជើងជម្រើសជាតិស៊ីរីដោយលទ្ធផលធ្ងន់ធ្ងរ ៧-០ នៅទឹកដីស៊ីរី ដែលធ្វើឲ្យពួកគេអស់ឱកាសឡើងទៅជុំទី៣ បន្ទាប់ពី៤ប្រកួត រកបានតែ១ពិន្ទុ ស្ថិតនៅបាតតារាងពូល B ដែលជាពូលជប៉ុនឡើងទៅជុំទី២រួចហើយ ដោយសារទទួលបានជ័យជម្នះដោយស្វ័យប្រវត្តិ ០-៣ លើកូរ៉េខាងជើង។

ការប្រកួតនៅពូល C ម្ចាស់ផ្ទះថៃបានចាញ់ក្រុមខ្លាំងកូរ៉េខាងត្បូង ដោយលទ្ធផល ០-៣ ខណៈម្ចាស់ផ្ទះចិនបានលត់សិង្ហបុរី ៤-១។ កូរ៉េខាងត្បូងមាន១០ពិន្ទុឈរលេខ១ក្នុងពូល ហើយចិនមាន៧ពិន្ទុឈរលេខ២ ដោយក្រុមទាំងពីរសង្ឃឹមឡើងវគ្គបន្ត។ ស្របពេល ថៃមាន៤ពិន្ទុ នៅមានសង្ឃឹម និងសិង្ហបុរីមាន១ពិន្ទុអស់ឱកាសហើយ។

ចំណែកការប្រកួតនៅពូល F ហ្វីលីពីនបានចាញ់អ៉ីរ៉ាក់ ដោយលទ្ធផល ០-៥ ខណៈ វៀតណាមបានចាញ់ក្រុមក្នុងតំបន់អាស៊ានជាមួយគ្នាគឺឥណ្ឌូណេស៊ី ០-៣ ក្នុងដីរបស់ខ្លួន។ ពូលនេះ អ៉ីរ៉ាក់មាន១២ពិន្ទុឈរលើកំពូលតារាង លេខ២ឥណ្ឌូណេស៊ីមាន៧ពិន្ទុ សង្ឃឹមច្រើនក្នុងការឡើងវគ្គបន្ត។ ស្របពេលវៀតណាមមាន៣ពិន្ទុស្ទើរតែអស់ឱកាស និងហ្វីលីពីនមាន១ពិន្ទុអស់ឱកាសឡើងវគ្គបន្តហើយ។

នៅពូល D ម៉ាឡេស៊ី បានចាញ់ អូម៉ង់ ០-២ ក្នុងផ្ទះរបស់ខ្លួនធ្វើឲ្យធ្លាក់ទៅលេខ៣មាន៦ពិន្ទុ ប៉ុន្តែមិនទាន់អស់ឱកាសឡើងវគ្គបន្តទេ ដោយសារលេខ១ជីគីស្ថាន និងលេខ២អូម៉ង់មាន៩ពិន្ទុដូចគ្នា ប៉ុន្តែក្រុមបាតតារាង ឆាយនីសតៃប៊ិ អស់ឱកាស។