ព័ត៌មានជាតិ
ឯកឧត្ដម ហ៊ុន ម៉ានី ៖ សមិទ្ធផលក្រសួងមុខងារសាធារណៈសម្រេចបាន កន្លងមក ជាការពង្រឹងខឿនកសាងប្រព័ន្ធរដ្ឋបាលសាធារណៈសម្រាប់យុវជនជំនាន់ក្រោយ
ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ លើកឡើងថា សមិទ្ធផលដែលថ្នាក់ដឹកនាំ និងមន្ត្រីរាជការ នៃក្រសួងមុខងារសាធារណៈ សម្រេចបានកន្លងមក ជាការពង្រឹងខឿន នៃការកសាងប្រព័ន្ធរដ្ឋបាលសាធារណៈសម្រាប់យុវជនជំនាន់ក្រោយ។
![](https://www.kampucheathmey.com/wp-content/uploads/2024/03/434673207_836605231839068_8558348641029553183_n-1024x683.jpg)
ការលើកឡើងនេះ ក្នុងឱកាស ឯកឧត្ដម ហ៊ុន ម៉ានី បានដឹកនាំកិច្ចប្រជុំពិនិត្យវឌ្ឍនភាពការងារប្រចាំខែមីនា និងទិសដៅការងារបន្ត នៅគណៈកម្មាធិការជាតិកែទម្រង់រដ្ឋបាលសាធារណៈ (គ.ក.ស) ក្នុងបរិវេណសាលាភូមិន្ទរដ្ឋបាល កាលពីព្រឹកថ្ងៃទី ២៧ ខែមីនា ឆ្នាំ ២០២៤ នេះ។
នាឱកាសនោះដែរ ឯកឧត្ដម ហ៊ុន ម៉ានី បានកោតសរសើរ និងវាយតម្លៃខ្ពស់ចំពោះការងាររៀបចំរបាយការណ៍វឌ្ឍនភាពការងារ និងការផ្ដល់មតិយោបល់ជាធាតុចូលរបស់អង្គប្រជុំ។
![](https://www.kampucheathmey.com/wp-content/uploads/2024/03/434231175_836607315172193_8801178364239331158_n-1024x683.jpg)
ទន្ទឹមនោះ ឯកឧត្ដមឧបនាយករដ្ឋមន្ត្រីប្រធានអង្គប្រជុំ លើកឡើងថា «សមិទ្ធផលដែលថ្នាក់ដឹកនាំ និងមន្ត្រីរាជការ នៃក្រសួងមុខងារសាធារណៈ បានសម្រេចបាននាពេលកន្លងមកនេះ គឺជាការពង្រឹងខឿន នៃការកសាងប្រព័ន្ធរដ្ឋបាលសាធារណៈសម្រាប់ក្មេងជំនាន់ក្រោយ»។
បន្ថែមនេះ ឯកឧត្ដមឧបនាយករដ្ឋមន្ត្រី ក៏បាននាំយកនូវអនុសាសន៍នានាដែលជាការណែនាំតម្រង់ទិសមកដល់ក្រសួងមុខងារសាធារណៈ ដើម្បីបន្តពង្រឹងការងារដឹកនាំ គ្រប់គ្រងវិស័យមុខងារសាធារណៈ ជាពិសេសការកែទម្រង់រដ្ឋបាលសាធារណៈ ជាការងារអាទិភាពដូចមានចែងក្នុងយុទ្ធសាស្ត្របញ្ចកោណ។
![](https://www.kampucheathmey.com/wp-content/uploads/2024/03/434227269_836607048505553_8768929176559657695_n-1024x683.jpg)
ជាមួយគ្នានេះ តាមរយៈកិច្ចប្រជុំប្រចាំខែនេះ លោក ហាស់ ប៊ុនថ្ថន អគ្គលេខាធិការ នៃអគ្គលេខាធិការដ្ឋានក្រសួងមុខងារសាធារណៈ បានធ្វើរបាយការណ៍សង្ខេប នៃវឌ្ឍនភាពការងារប្រចាំខែមីនា និងវឌ្ឍនភាពការងារការរៀបចំសន្និបាតបូកសរុបការងាររបស់ក្រសួងមុខងារសាធារណៈ ជូនអង្គប្រជុំបានស្តាប់ជារបាយការណ៍។
ក្រោយការរាយការណ៍ កិច្ចប្រជុំ ទទួលបានការចូលរួមមតិយោបល់យ៉ាងច្រើនពីសំណាក់ថ្នាក់ដឹកនាំជាច្រើនរូប ក្នុងន័យផ្តល់ជូនព័ត៌មានបន្ថែមលើវឌ្ឍនភាពការងាររួម និងលើកឡើងនូវរាល់បញ្ហាប្រឈមនានា ដើម្បីដោះស្រាយបញ្ហាជាមួយគ្នា ព្រមទាំងបានលើកនូវទិសដៅការងារបន្តឆ្ពោះទៅមុខរបស់ក្រសួងមុខងារសាធារណៈ។
![](https://www.kampucheathmey.com/wp-content/uploads/2024/03/434368886_836607231838868_133591046232395618_n-1024x683.jpg)
គួរជម្រាបថា កិច្ចប្រជុំ ព្រឹកមិញនេះ បានយកឱកាស នៃការជួបជុំគ្នា ដើម្បីពិនិត្យវឌ្ឍនភាពការងារ នៃការរៀបចំសន្និបាតបូកសរុបលទ្ធផលការងារឆ្នាំ ២០២៣ និងទិសដៅការងារឆ្នាំ ២០២៤ របស់ក្រសួង ដោយមានការអញ្ជើញចូលរួមពីថ្នាក់ដឹកនាំ និងមន្ត្រីជំនាញរបស់ក្រសួងមុខងារសាធារណៈ ជាច្រើនរូប នៅគណៈកម្មាធិការជាតិកែទម្រង់រដ្ឋបាលសាធារណៈ (គ.ក.ស) ក្នុងបរិវេណសាលាភូមិន្ទរដ្ឋបាល។
គួររំលឹកថា កិច្ចប្រជុំប្រចាំខែនេះ គឺរបៀបរបបការងារដែលត្រូវបានកំណត់រៀងរាល់ចុងខែ អនុលោមតាមខ្លឹមសារមានចែងក្នុងអនុក្រឹត្យស្ដីពីការរៀបចំ និងប្រព្រឹត្តទៅ នៃក្រសួងមុខងារសាធារណៈ៕
អត្ថបទ ៖ ពិសី
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ