ព័ត៌មានអន្ដរជាតិ
ការពារខ្លួន! អ្នកដំណើរតាមយន្តហោះមានហានិភ័យឆ្លង Omicron ២ ទៅ ៣ ដង
យោងទៅតាមអ្នកជំនាញផ្នែកវេជ្ជសាស្ត្រក្នុងឧស្សាហកម្មអាកាសចរណ៍បានឲ្យដឹងថា វីរុសកូវីដបំប្លែងខ្លួន Omicron អាចបង្កើនហានិភ័យឆ្លងទ្វេដង អំឡុងពេលហោះហើរ ហើយវាក៏រាលដាលខ្លាំងនៅព្រលានយន្តហោះផងដែរ ។
រហូតមកដល់ពេលនេះ វីរុសបំប្លែងខ្លួន Omicron ដែលអាចឆ្លងបានខ្ពស់ត្រូវបានបញ្ជាក់នៅក្នុងប្រទេសជាង ១១៣ ហើយបានក្លាយទៅជាមូលហេតុធំបំផុតលើករណីឆ្លងថ្មីនៃជំងឺកូវីដ ១៩ យ៉ាងឆាប់រហ័សនៅក្នុងសហរដ្ឋអាមេរិក និងអាហ្វ្រិកខាងត្បូង ។
លោកវេជ្ជបណ្ឌិត David Powell ទីប្រឹក្សាផ្នែកវេជ្ជសាស្ត្រនៅសមាគមដឹកជញ្ជូនផ្លូវអាកាសអន្តរជាតិបាននិយាយនៅថ្ងៃអង្គារនេះថា “ហានិភ័យឆ្លង Omicron នៅលើជើងហោះហើរតាមយន្តហោះនឹងមានច្រើនជាង ២ ទៅ ៣ ដង ហើយវាប្រហែលជាកើនឡើង ដូចជាហានិភ័យទាក់ទងនៃការទៅផ្សារទំនើប ឬជិះតាមឡានក្រុងជាដើម” ។
លោក Powell បានប្រាប់សារព័ត៌មាន Bloomberg ថា តម្រូវការសម្រាប់លំហូរខ្យល់នៅលើយន្តហោះ ដែលទំនងជាមានប្រព័ន្ធខ្យល់ចេញចូលបានល្អ ជាទូទៅគឺស្ងប់ជាងនៅព្រលានយន្តហោះ ។ នៅក្នុងព្រលានយន្តហោះមួយ លោកបាននិយាយថា “អត្រាខ្យល់ចេញចូលព្រលានយន្តហោះគឺប្រហែលមួយភាគដប់នៃអ្វីដែលពួកគេមានអំឡុងពេលហោះហើរ ។
ចំណែកលោក Sheldon H. Jacobson សាស្ត្រាចារ្យផ្នែកវិទ្យាសាស្ត្រកុំព្យូទ័រនៅសាកលវិទ្យាល័យ Illinois ដែលសិក្សាផ្នែកសុខភាពសាធារណៈ និងសុវត្ថិភាពអាកាសចរណ៍ ថ្មីៗនេះក៏បានព្រមានដែរថា ផ្នែក “គ្រោះថ្នាក់បំផុត” នៃការធ្វើដំណើរតាមផ្លូវអាកាសគឺជាពេលវេលាមុន និងក្រោយការហោះហើរ ។
លោក Jacobson បានប្រាប់ CNBC នៅថ្ងៃអង្គារនេះថា “ការរង់ចាំនៅក្នុងស្ថានីយមុនពេលឡើងយន្តហោះគឺជាពេលវេលា និងបរិយាកាសដែលងាយរងគ្រោះសម្រាប់ការរីករាលដាលនៃមេរោគ” ។
គួរបញ្ជាក់ថា វីរុសបំប្លែងខ្លួន Omicron មានការវិវត្ត និងបម្រែបម្រួលចំនួន ៣២ នៅក្នុងផ្នែកនៃមេរោគដែលឆ្លងទៅកោសិកាមនុស្ស ហើយបានរីករាលដាលយ៉ាងឆាប់រហ័សនៅក្នុងប្រទេសមួយចំនួន រួមទាំងសហរដ្ឋអាមេរិក អាហ្រ្វិកខាងត្បូង ដាណឺម៉ាក និងចក្រភពអង់គ្លេស ៕
ប្រែសម្រួលដោយ ៖ ជីវ័ន្ត
ប្រភព ៖ Business Insider
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ