ព័ត៌មានអន្ដរជាតិ
នៅចិន ដឹងអ្នកណាល្មើសវិធានការកូវីដ រាយការណ៍ប្រាប់អាជ្ញាធរ បានលុយ
កាលពីចុងសប្តាហ៍ គណៈកម្មាធិការសុខភាពទីក្រុង Shenzhen បានចេញសេចក្តីជូនដំណឹងមួយ ដោយផ្តល់ជាប្រាក់ដើម្បីលើកទឹកចិត្តឲ្យប្រជាពលរដ្ឋរាយការណ៍ពីអ្នកដែលបំពានលើវិធានការរឹតបន្តឹងកូវីដដ៏តឹងរ៉ឹង ដូចជាការបំពានលក្ខខណ្ឌតម្រូវឲ្យធ្វើចត្តាឡីស័កជាដើម។
ជាឧទាហរណ៍ ប្រសិនបើបុគ្គលម្នាក់រាយការណ៍ពីនរណាដែលបច្ចុប្បន្នត្រូវបានចាត់ថ្នាក់នៅកម្រិត “ពណ៌លឿង” ក្នុងប្រព័ន្ធលេខកូដសុខភាពរបស់ប្រទេសចិន និងអ្នកដែលបំពានលើបទប្បញ្ញត្តិពាក់ព័ន្ធ រដ្ឋាភិបាលនឹងផ្តល់ប្រាក់ចំនួន៣០០យ័ន (៤៧ដុល្លារ) ទៅឲ្យអ្នកផ្តល់ព័ត៌មាន។
ប្រព័ន្ធលេខកូដសុខភាពរបស់ប្រទេសចិន ត្រូវបានបែងចែកជាបីពណ៌គឺបៃតង លឿង និងក្រហម។ ពណ៌បៃតងមានន័យថា មិនមានការរឹតបន្តឹងទេ ចំណែកលេខកូដពណ៌លឿងមានន័យថាបុគ្គលនឹងត្រូវដាក់ឲ្យធ្វើចត្តាឡីស័ករយៈពេលប្រាំពីរថ្ងៃ រីឯលេខកូដពណ៌ក្រហមមានន័យថា ត្រូវធ្វើចត្តាឡីស័ករយៈពេល១៤ថ្ងៃ។
អ្នកផ្តល់ព័ត៌មានឈានដល់ការចាប់ខ្លួនជនរំលោភបំពានដែលមានលេខកូដពណ៌លឿង នឹងទទួលបានរង្វាន់៣០០យ័ន ខណៈលេខកូដពណ៌ក្រហមទទួលបាន៥០០យ័ន។
លើសពីនេះ អ្នករាយការណ៍អំពីជនចំណាកស្រុកខុសច្បាប់ នឹងទទួលបានប្រាក់កាន់តែច្រើន ពោលគឺ១,០០០យ័ន។ ហើយបើជនល្មើសមានផ្ទុកកូវីដនៅពេលពួកគេត្រូវបានរាយការណ៍ អ្នកផ្តល់ព័ត៌មាននឹងទទួលបានប្រាក់រង្វាន់រហូតដល់១០,០០០យ័ន បន្ថែមលើប្រាក់ ដែលមានស្រាប់។
ចិនក៏កំពុងពិចារណា ផ្តល់សាច់ប្រាក់ផ្សេងទៀតផងដែរចំពោះព័ត៌មានផ្សេងៗដែលរារាំងការចម្លងក្នុងសហគមន៍។ លើសពីនេះ ប្រសិនបើមនុស្សពីរនាក់រាយការណ៍អំពីអ្នកបំពានដូចគ្នា នោះអ្នកផ្តល់ព័ត៌មានដំបូងគេ មានសិទ្ធិទទួលបានប្រាក់រង្វាន់។
គួរបញ្ជាក់ថា គោលនយោបាយនេះត្រូវបានអនុម័តជាលើកដំបូងនៅក្នុងស្រុក Shangyu នៃខេត្ត Zhejiang ភាគអាគ្នេយ៍ប្រទេសចិនកាលពីថ្ងៃទី២ខែមករាឆ្នាំ២០២២ ហើយចាប់តាំងពីពេលនោះមក ត្រូវបានអនុវត្តនៅក្នុងទីក្រុងផ្សេងទៀត ជាពិសេសនៅទីក្រុង Shenzhen ដែលជាមជ្ឈមណ្ឌលបច្ចេកវិទ្យាដ៏ធំបំផុតមួយរបស់ប្រទេសចិន និងជាទីក្រុងដែលពាក់ព័ន្ធផ្នែកសេដ្ឋកិច្ចខ្លាំងបំផុត៕
ប្រែសម្រួល៖ Vann Vann
ប្រភព៖ JP
ចុចអាន៖ ទើបរកឃើញ Omicron លើកដំបូង ចិន ដាក់មនុស្សរាប់សែននាក់ធ្វើចត្តាឡីស័ក
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៥ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?