Connect with us

ព័ត៌មានអន្ដរជាតិ

រុស្ស៊ី​ថា​ កិច្ច​ពិភាក្សា​អ៊ុយក្រែន​លែង​ទៅ​មុខ​​ ខណៈ​ប៉ូឡូញ​ព្រមាន​សង្គ្រាម​ជិតផ្ទុះនៅ​អឺរ៉ុប​

បានផុស

នៅ

រដ្ឋ​មន្ត្រី​ក្រសួង​ការបរទេស​ប៉ូឡូញ​បាន​និយាយ​នៅ​ថ្ងៃ​ព្រហស្បតិ៍​ថា អឺរ៉ុប​កាន់​តែ​ជិត​កើត​មាន​សង្គ្រាម​ហើយ​ក្នុង​រយៈ​ពេល​៣០​ឆ្នាំ​ចុង​ក្រោយ​នេះ នៅ​ពេល​ប្រទេស​រុស្ស៊ី​បាន​ផ្តល់​ការ​វាយ​តម្លៃ​ដ៏​ក្រៀម​ក្រំ​នៃ​កិច្ច​ខិត​ខំ​ប្រឹង​ប្រែង​ការ​ទូត​​ក្នុង​សប្តាហ៍​នេះ​ដើម្បី​កាត់​បន្ថយ​ភាព​តាន​តឹង​ជុំ​វិញ​អ៊ុយក្រែន។

រុស្ស៊ី​បាន​និយាយ​ថា ខ្លួនកំពុង​ឈាន​ដល់​ទី​បញ្ចប់​ នៅ​ពេល​​បាន​ព្យាយាម​បញ្ចុះ​បញ្ចូល​​ប្រទេស​លោក​ខាង​លិច​ឲ្យ​រារាំង​អ៊ុយក្រែន​ពី​ការ​ចូល​រួម​ជា​មួយ​អង្គការ​ណាតូ និង​វិល​ត្រឡប់​មក​វិញ​នូវ​ការ​ពង្រីក​​សម្ព័ន្ធ​ភាព​ច្រើន​ទសវត្សរ៍​នៅ​អឺរ៉ុប។

វា​បាន​ផ្តល់​នូវ​ទិដ្ឋភាព​ស្រលះ​មួយ​មុន​ពេល​កិច្ច​ប្រជុំ​សន្តិសុខ​នៅ​សប្តាហ៍​នេះ​បាន​បញ្ចប់​ដោយ​កិច្ច​ពិភាក្សា​​​នៅ​ទី​ក្រុង​វីយែន​កាល​ពី​ថ្ងៃ​ព្រហស្បតិ៍​ដោយ​អង្គការ​ប្រជា​ជាតិ​៥៧​ប្រទេស​សម្រាប់​សន្តិសុខ និង​កិច្ច​សហប្រតិបត្តិការ​អឺរ៉ុប (OSCE)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយ​គ្មាន​ឈ្មោះ​រុស្ស៊ី​នៅ​ក្នុង​សុន្ទរកថា​របស់​លោក​ទៅ​កាន់បេសកជន​នៃ​បណ្តា​ប្រទេស​ជា​សមាជិក OSCE ៥៧​ រដ្ឋ​មន្ត្រី​ក្រសួង​ការ​បរទេស​ប៉ូឡូញ លោក Zbigniew Rau បាន​លើក​ឡើង​ពី​ភាព​តាន​តឹង​នៅ​អ៊ុយក្រែន ​ហ្សកហ្ស៊ី​ អាមេនី​ និង​ម៉ុលដាវី ​ដែល​ប្រទេស​ទាំង​អស់​នេះ​មាន​ជម្លោះ​យ៉ាង​សកម្ម​​ដែល​រុស្ស៊ី​ត្រូវ​បាន​ចោទ​ប្រកាន់​ថា​ជា​ភាគី។

លោក​មាន​ប្រសាសន៍​ថា ៖«វា​ទំនង​ដូច​ជា​ថា ហានិភ័យ​នៃ​សង្គ្រាម​នៅ​តំបន់ OSCE ឥឡូវ​នេះ​កាន់​តែ​ខ្លាំង​ៗ​ឡើង​ជាង​ពេល​ណា​ៗ​ទាំង​អស់​ក្នុង​រយៈ​ពេល​៣០​ឆ្នាំ​ចុង​ក្រោយ»។

លោកមាន​ប្រសាសន៍​​នៅ​ពេល​ចាប់​ផ្តើម​ធ្វើ​ជា​ប្រធាន​អង្គការ​សន្តិសុខដ៏​ធំ​នៅ​អឺរ៉ុប​ថា ៖«ជា​ច្រើន​សប្តាហ៍​កន្លង​ទៅ​នេះ យើង​បាន​ប្រឈម​មុខ​ជា​មួយ​នឹង​ការ​រំពឹង​ទុក​នៃ​ការ​កើន​ឡើង​ផ្នែក​យោធា​ដ៏​ធំ​នៅ​អឺរ៉ុប​ខាង​កើត»។

លោក​បាន​រាយការណ៍​ថា គ្មាន​ការ​បែក​បាក់​នៅ​កិច្ច​ប្រជុំ​ទេ។

អនុរដ្ឋ​មន្ត្រី​ក្រសួង​ការបទេស​ លោក Sergei Ryabkov ​បាន​និយាយ​ថា អ្នក​ជំនាញ​យោធា​រុស្ស៊ី​បាន​កំពុង​ផ្តល់​ជម្រើស​ទៅ​លោក​ប្រធានាធិបតី វ្លាឌីមៀរ ពូទីន​ អំពី​​ស្ថានភាព​ជុំវិញ​អ៊ុយក្រែន​កាន់​តែ​អាក្រក់​ខ្លាំង ប៉ុន្តែ​ដំណោះ​ស្រាយ​ការទូត​ត្រូវ​តែ​ផ្តល់​ឱកាស។

ទោះ​បី​ជាយ៉ាង​ណា លោក​បាន​លើក​ឡើង​ថា កិច្ច​ពិភាក្សា​ជា​មួយ​សហរដ្ឋ​អាមេរិក​នៅ​ទី​ក្រុង​ហ្សឺណែវ​កាល​ពី​ថ្ងៃ​ចន្ទ និង​ជា​មួយ​អង្គការ​ណាតូ​នៅ​ព្រុចសែល​កាល​ពី​ថ្ងៃ​ពុធ​បាន​បង្ហាញ​ថា មាន​ផ្លូវ​ចុង​បញ្ចប់​មួយ ឬ​ភាព​ខុស​គ្នា​នៃវិធីសាស្ត្រ ហើយ​លោក​មើល​ឃើញ​ថា គ្មាន​ហេតុ​ផល​ណា​ដើម្បី​អង្គុយតុ​ចរចា​ទៀត​ទេ​នា​ប៉ុន្មាន​ថ្ងៃ​ខាង​មុខ​ដើម្បី​ចាប់​ផ្តើម​កិច្ច​ពិភាក្សា​ដដែល។

រុស្ស៊ី​បាន​បង្ខំ​សហរដ្ឋ​អាមេរិក និង​សម្ព័ន្ធ​មិត្ត​របស់​ខ្លួន​មក​កាន់​​តុចរចា​ដោយ​​ប្រមូល​ផ្តុំ​ទាហាន​ប្រមាណ​១០​ម៉ឺន​នាក់​ជិត​ព្រំ​ដែន​អ៊ុយក្រែន ខណៈ​បដិសេធ​​ពី​ផែន​ការ​ឈ្លាន​ពាន។ រដ្ឋ​មន្ត្រីក្រសួង​ការ​បរទេស​រុស្ស៊ី លោក Sergei Lavrov ​បាន​និយាយ​ថា ការ​ទាម​ទារ​របស់​អាមេរិក​ឲ្យ​ពួក​គេ​ដក​កង​ទ័ព​ចេញ​គឺ​មិន​អាច​ទទួល​យក​បាន​ទេ។

រដ្ឋ​មន្ត្រី​ក្រសួង​ការបរទេស​អ៊ុយក្រែន លោក Dmytro Kuleba បាន​និយាយ​ថា ៖«ទោះ​ជា​សប្តាហ៍​ខក​ចិត្ត​នៃ​ការ​​ទូត​​សម្រាប់​រុស្ស៊ី ខ្ញុំ​នៅ​តែ​ជឿ​ថា មធ្យោបាយ​មួយ​គត់​សម្រាប់​រុស្ស៊ី​ដើម្បី​បញ្ជាក់ពី​កង្វះឆន្ទៈ​របស់​ពួក​គេ​ដើម្បី​ដោះ​ស្រាយ​បញ្ហា​ដោយបង្ខំ​គឺ​នៅ​តែ​បន្ត​ចំពោះកិច្ច​ពិភាក្សាក្នុង​ទម្រង់ដែល​អាច​បង្កើត​បាន​ ជា​ពិសេស​នៅ​ក្នុង OSCE៕

ប្រែ​សម្រួល៖ វីរបុត្រ
ប្រភព៖ reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៥ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៤ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

សន្តិសុខសង្គម២៣ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

Sokha Hotels

ព័ត៌មានពេញនិយម