ព័ត៌មានអន្ដរជាតិ
កូរ៉េខាងជើង ត្រៀមសាកល្បងនុយក្លេអ៊ែរ និងមីស៊ីលផ្លោង ICBM ឡើងវិញ ឲ្យ អាមេរិក ភ្លឺភ្នែក
ទីភ្នាក់ងារសារព័ត៌មានរដ្ឋរបស់កូរ៉េខាងជើង (KCNA) បានរាយការណ៍ថា មេដឹកនាំកូរ៉េខាងជើង គីម ជុងអ៊ុន ពិចារណាចាប់ផ្តើមការសាកល្បងនុយក្លេអ៊ែរ និងមីស៊ីលផ្លោងអន្តរទ្វីប (ICBM) ឡើងវិញ ក្នុងកិច្ចប្រជុំនៃការិយាល័យនយោបាយរបស់គណបក្សពលករដែលកំពុងកាន់អំណាចកាលពីថ្ងៃពុធ ។
ទីភ្នាក់ងារនេះបាននិយាយថា “គោលនយោបាយអរិភាព និងការគំរាមកំហែងយោធាដោយសហរដ្ឋអាមេរិកបានឈានដល់បន្ទាត់គ្រោះថ្នាក់ដែលមិនអាចមើលរំលងបានទៀតទេ ដោយលើកឡើងពីសមយុទ្ធយោធារបស់សហរដ្ឋអាមេរិកនៅជុំវិញឧបទ្វីបកូរ៉េ ក៏ដូចជាការដាក់ទណ្ឌកម្មកាន់តែខ្លាំង” ។
KCNA បានរាយការណ៍ថា ប្រទេសនេះកំពុងរៀបចំសម្រាប់ការប្រឈមមុខគ្នារយៈពេលវែងជាមួយសហរដ្ឋអាមេរិក ហើយការិយាល័យនយោបាយបានផ្តល់ការណែនាំដើម្បីពិនិត្យមើលភ្លាមៗអំពីការចាប់ផ្តើមសកម្មភាពដែលត្រូវបានផ្អាកជាបណ្តោះអាសន្នទាំងអស់ឡើងវិញ ។
ប្រទេសកូរ៉េខាងជើងបានប្រកាសផ្អាកការសាកល្បងនុយក្លេអ៊ែរ និងមីស៊ីល ICBM ជាឯកតោភាគី នៅមុនកិច្ចប្រជុំកំពូលជាប្រវត្តិសាស្ត្ររវាងលោក គីម ជុងអ៊ុន និងប្រធានាធិបតីអាមេរិកលោក ដូណាល់ ត្រាំ នៅខែមេសា ឆ្នាំ ២០១៨ ។
ប្រទេសកូរ៉េខាងជើងបានបង្ហាញថា ខ្លួនមានបំណងជំរុញកម្មវិធីនុយក្លេអ៊ែរ និងមីស៊ីលផ្លោងរបស់ខ្លួន ស្របតាមផែនការរយៈពេល ៥ ឆ្នាំរបស់ខ្លួនដើម្បីពង្រឹងសមត្ថភាពការពាររបស់ខ្លួន ខណៈនៅឆ្នាំនេះ ខ្លួនបានធ្វើតេស្តមីស៊ីល ៤ លើករួចមកហើយ និងបានបាញ់មីស៊ីលផ្លោងចំនួន ៦ គ្រាប់ ។
ប្រទេសនេះក៏បានសម្តែងការប្រឆាំងរបស់ខ្លួនចំពោះទណ្ឌកម្មដែលដាក់ដោយសហរដ្ឋអាមេរិកកាលពីថ្ងៃទី ១២ ខែមករា ដើម្បីឆ្លើយតបទៅនឹងការអភិវឌ្ឍន៍នុយក្លេអ៊ែរ និងមីស៊ីលរបស់កូរ៉េខាងជើង ហើយចំណាត់ការចុងក្រោយរបស់កូរ៉េខាងជើងនេះត្រូវបានគេជឿថា មានគោលបំណងរក្សាការគ្រប់គ្រងរបស់ប្រធានាធិបតីអាមេរិកលោក ចូ បៃដិន ខណៈដែលថ្ងៃទី ២០ ខែមករានេះ គឺជាខួបលើកទី ១ នៃការឡើងកាន់អំណាចរបស់លោក បៃដិន ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ បើកព្រំដែនភ្លាម កូរ៉េខាងជើង បញ្ជូនរថភ្លើងទៅដឹកទំនិញនៅ ចិន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ