ព័ត៌មានអន្ដរជាតិ

អាល្លឺម៉ង់ត្រូវការពលករជំនាញ៤០ម៉ឺននាក់ក្នុងមួយៗឆ្នាំពីក្រៅប្រទេស

បានផុស

២ years មុន

នៅ

ថ្ងៃសៅរ៍ ២២ មករា ២០២២

ដោយ

រដ្ឋាភិបាលចម្រុះថ្មីរបស់ប្រទេសអាល្លឺម៉ង់ចង់ទាក់ទាញពលករជំនាញ៤០ម៉ឺននាក់មកពីក្រៅប្រទេសជារៀងរាល់ឆ្នាំដើម្បីដោះស្រាយអតុល្យភាពប្រជាសាស្ត្រ និងកង្វះកម្លាំងពលកម្មនៅក្នុងវិស័យសំខាន់ៗដើម្បីស្តារឡើងវិញពីការបំផ្លាញដោយវិបត្តិកូវីដ-១៩។

លោក Christian Duerr មេដឹកនាំសភានៃសហគ្រប់គ្រងគណបក្សប្រជាធិបតេយ្យសេរី (FDP) បានប្រាប់ទស្សនាវដ្តីសេដ្ឋកិច្ចថា ៖«កង្វះពលករជំនាញឥឡូវនេះធ្ងន់ធ្ងរដែលកំពុងវាយប្រហារសេដ្ឋកិច្ចរបស់យើង»។

«យើងខ្ញុំអាចមានបញ្ហាតែកម្លាំងពលកម្មវ័យចំណាស់ស្ថិតក្រោមការគ្រប់គ្រងដោយគោលការណ៍អន្តោប្រវេសន៍ទំនើប។ យើងត្រូវតែឈានទៅរកពលករជំនាញ៤០ម៉ឺននាក់ពីក្រៅប្រទេសឲ្យបានលឿនបំផុតតាមដែលអាចទៅរួច»។ លោក Duerr បានរៀបរាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណបក្សសង្គមប្រជាធិបតេយ្យរបស់លោកអធិការបតីអាល្លឺម៉ង់ Olaf Scholz, គណបក្សសេរីនិយម (FDP) របស់លោក Duerr និងគណបក្សបៃតង Greens បានឯកភាពគ្នានៅក្នុងកិច្ចព្រមព្រៀងចម្រុះលើវិធានការដូចជា ប្រព័ន្ធពិន្ទុសម្រាប់អ្នកជំនាញពីប្រទេសក្រៅពីអឺរ៉ុប និងការលើកប្រាក់ឈ្នួតអប្បរមាដល់ទៅ១៣.៦០ដុល្លារក្នុងម៉ោងដើម្បីធ្វើការនៅអាល្លឺម៉ង់ឲ្យកាន់តែទាក់ទាញ។

វិទ្យាស្ថាន័នសេដ្ឋកិច្ចអាល្លឺម៉ង់បានប៉ាន់ស្មានថា កម្លាំងពលកម្មនឹងថយចុះជាង៣០ម៉ឺននាក់នៅឆ្នាំនេះ ដោយសារពលករចាស់ចូលនិវត្តរ៍ច្រើនជាងពលករក្មេងដែលទើបចូលទីផ្សារការងារ។

គម្លាតនេះត្រូវបានគេរំពឹងកាន់តែច្រើនរហូតដល់ជាង៦០ម៉ឺននាក់នៅឆ្នាំ២០២៩ ដែលខ្វះខាតបុគ្គលិកកាន់តែច្រើននៅពេលពលករកាន់តែអាយុច្រើននៅឆ្នាំ២០៣០រហូតដល់៥លាននាក់។ ចំនួនប្រជាជនអាល្លឺម៉ង់ក្នុងការងារបានកើនឡើងជិត៤៥លាននាក់កាលពីឆ្នាំមុន បើទោះជាជួបវិបត្តិកូវីដក៏ដោយ៕

ប្រែសម្រួល៖ វីរបុត្រ
ប្រភព៖ reuters

Related Topics:អាល្លឺម៉ង់