ព័ត៌មានអន្ដរជាតិ
វាយប្រហារនៅពន្ធនាគារស៊ីរី ស្លាប់មនុស្សជាង ១០០នាក់
មនុស្សយ៉ាងតិច១២០នាក់ត្រូវបានសម្លាប់ នៅក្នុងការប្រយុទ្ធជាបន្ត រវាងកងកម្លាំងដែលគាំទ្រដោយសហរដ្ឋអាមេរិក, កងកម្លាំងដឹកនាំដោយឃឺដ និងក្រុមយុទ្ធជន ISIL (ISIS) បន្ទាប់ពីការវាយប្រហារលើពន្ធនាគារស៊ីរី។
ក្រុមឃ្លាំមើលសិទ្ធិមនុស្សស៊ីរី (SOHR) ដែលមានមូលដ្ឋាននៅចក្រភពអង់គ្លេសបាននិយាយថា “សមាជិកក្រុម IS ចំនួន៧៧នាក់ និងយុទ្ធជនឃឺដ៣៩នាក់ រួមទាំងកងកម្លាំងសន្តិសុខផ្ទៃក្នុង, ឆ្មាំពន្ធនាគារ និងកងកម្លាំងប្រឆាំងភេរវកម្ម ត្រូវបានសម្លាប់នៅក្នុងការវាយប្រហារ ដែលចាប់ផ្តើមតាំងពីថ្ងៃព្រហស្បតិ៍សប្តាហ៍មុនមក”។
លើសារព័ត៌មាន Amaq របស់ខ្លួនកាលពីថ្ងៃសុក្រ ក្រុម ISIL បានអះអាងទទួលខុសត្រូវចំពោះការហែកគុក Ghwayran ដែលគ្រប់គ្រងដោយពួកឃឺដ នៅក្នុងទីក្រុង Hasakeh។
យោងតាម SOHR បានឲ្យដឹងថា ជនស៊ីវិលចំនួន៧នាក់ ក៏ត្រូវបានសម្លាប់ផងដែរនៅក្នុងការប្រយុទ្ធគ្នានេះ។
កងកម្លាំងប្រជាធិបតេយ្យស៊ីរី (SDF) ដឹកនាំដោយជនជាតិឃឺដ បាននិយាយកាលពីថ្ងៃអាទិត្យទី២៣ខែមករាថា ខ្លួនបានរឹតបន្តឹងការឡោមព័ទ្ធ ដោយមានជំនួយពីទាហានដឹកនាំដោយសហរដ្ឋអាមេរិក ហើយនិយាយថា ទាហានរបស់ខ្លួនចំនួន១៧នាក់ត្រូវបានសម្លាប់។
ខ្លួនចាប់បានអ្នកប្រយុទ្ធចំនួន៨៩នាក់ដែលស្នាក់នៅក្បែរនោះ។ អ្នកនាំពាក្យ SDF ក៏បាននិយាយផងដែរថា កងជីវពលបានចាប់អ្នកទោសចំនួន១០៤នាក់មកវិញ ប៉ុន្តែចំនួនអ្នកហែកគុកសរុប មិនត្រូវបានគេដឹងទេ។
ក្រុមអ្នកវាយប្រហារបានបំផ្ទុះគ្រាប់បែកក្នុងរថយន្តនៅជិតច្រកទ្វារពន្ធនាគារ ដោយជួយអ្នកទោសរាប់សិបនាក់ឲ្យភៀសខ្លួនចូលទៅក្នុងស្រុក Ghwayran។
គួរបញ្ជាក់ថា អំពើហិង្សានេះ គឺជាការវាយប្រហារបណ្តាលឲ្យមានមនុស្សស្លាប់ច្រើនបំផុតនៅក្នុងមណ្ឌលឃុំឃាំង ដែលដាក់សមាជិកក្រុម ISIL រាប់ពាន់នាក់ ដែលចាប់បានបន្ទាប់ពីពួកគេត្រូវបានកម្ចាត់ដោយការគាំទ្ររបស់សហរដ្ឋអាមេរិកនៅភាគខាងជើង និងភាគខាងកើតប្រទេសស៊ីរី៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ លោក បៃដិន បញ្ជាឲ្យបើកការវាយប្រហារអាកាស នៅព្រំដែនអ៊ីរ៉ាក់ – ស៊ីរី
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?