ព័ត៌មានអន្ដរជាតិ
វីដេអូ កងទ័ពនិងរថពាសដែករុស្ស៊ី ទាំងជួរៗ ចូលទៅ អ៊ុយក្រែន តាមបញ្ជា ពូទីន
រថក្រោះ រថយន្តធុនធំ និងកងទ័ពរុស្ស៊ី បានចូលទៅក្នុងភាគខាងកើតអ៊ុយក្រែនហើយ ប៉ុន្មានម៉ោងបន្ទាប់ពីលោក វ្ល៉ាឌីមៀរ ពូទីន ប្រកាសទទួលស្គាល់ឯករាជ្យតំបន់នេះ និងបញ្ជាឲ្យកងកម្លាំងរុស្ស៊ីចូលទៅ ក្នុងអ្វីដែលលោកហៅថាជា “បេសកកម្មរក្សាសន្តិភាព”។
រថពាសដែកទាំងជួរៗត្រូវបានគេប្រទះឃើញនៅក្នុងទីក្រុង Donetsk ដែលជាសាធារណរដ្ឋមួយ ក្នុងចំណោមសាធារណរដ្ឋទាំង២ ទើបត្រូវបានទទួលស្គាល់ដោយរុស្ស៊ី។ ទោះមិនមានឃើញស្លាកសញ្ញាណាមួយនៅលើរថពាសដែកក៏ដោយ ប៉ុន្តែគេជឿជាក់យ៉ាងច្បាស់ថា ទាំងនោះជាកងកម្លាំងរុស្ស៊ីដែលត្រូវបានដាក់ពង្រាយតាមបញ្ជារបស់លោក ពូទីន។
ក្នុងពេលជាមួយគ្នានោះ អ៊ុយក្រែនបាននិយាយថា ការបាញ់ផ្លោងយ៉ាងសន្ធឹកសន្ធាប់ បានផ្ទុះឡើងនៅតាមបណ្តោយខ្សែរត្រៀមជួរមុខចម្ងាយជាង៤០០គីឡូម៉ែត្រ ដោយបានបណ្តាលឲ្យទាហានរបស់ខ្លួនចំនួន២នាក់ស្លាប់ និង១២នាក់រងរបួស។
ឥឡូវនេះ គ្រប់គ្នានឹងងាកទៅប្រទេសលោកខាងលិច ដើម្បីមើលថាតើពួកគេនឹងមានប្រតិកម្មបែបណា។ មុនការបញ្ជារបស់លោកពូទីន មេដឹកនាំពិភពលោកនានារួមទាំងលោក ចូ បៃដិន ផងដែរ បានបញ្ជាក់យ៉ាងច្បាស់ថា ការវាយប្រហាររបស់រុស្សីក្នុងទឹកដីអ៊ុយក្រែន ទោះជាកម្រិតណាក៏ដោយ នឹងត្រូវបានចាត់ទុកថាជាសកម្មភាពយោធាថ្មីរបស់ប្រទេស ហើយជំរុញឲ្យមានការដាក់ទណ្ឌកម្មដែលមិនធ្លាប់មានពីមុនមក។
ស្របពេលជាមួយគ្នានោះ លោក ចូ បៃដិន បានហាមឃាត់ការធ្វើពាណិជ្ជកម្មថ្មីទាំងអស់របស់សហរដ្ឋអាមេរិក ជាមួយតំបន់បំបែកខ្លួនទាំង២ ហើយបានបើកផ្លូវឲ្យដាក់ទណ្ឌកម្មលើបុគ្គលណាដែលមានមូលដ្ឋាននៅទីនោះ។
ដោយឡែក អ្នកនាំពាក្យសេតវិមាន លោកស្រី Jen Psaki បានសន្យាថា ការដាក់ទណ្ឌកម្មបន្ថែមទៀតនឹងធ្វើឡើងនៅពេលក្រោយ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Daily Mail
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ