អាមេរិកចាប់ផ្តើមប្រតិបត្តិការចែកចាយវ៉ាក់សាំងក្រុមហ៊ុន Pfizer-BioNTech ទ្រង់ទ្រាយធំ (មានវីដេអូ)

ក្រុមមន្រ្តីបាននិយាយថា សហរដ្ឋអាមេរិកបានចាប់ផ្តើមចែកចាយវ៉ាក់សាំងកូវីដ ១៩ របស់ក្រុមហ៊ុន Pfizer-BioNTech នៅទូទាំងរដ្ឋទាំងអស់ក្នុងកិច្ចប្រឹងប្រែងជាប្រវត្តិសាស្ត្រដើម្បីចាក់ដល់ប្រជាជនជាង ១០០ លាននាក់នៅចុងខែមីនាខាងមុខនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាក់សាំងជាច្រើនដូសដែលដាក់ក្នុងទូទឹកកកជាមួយនឹងទឹកកកស្ងួតដើម្បីទុកវាឲ្យត្រជាក់ត្រូវបានគេដឹកជញ្ជូននៅទូទាំងប្រទេសតាមរយៈរថយន្តកុងតឺន័រ និងយន្តហោះកាលពីព្រឹកថ្ងៃអាទិត្យ ។

វ៉ាក់សាំងនេះនឹងត្រូវបញ្ជូនទៅដល់ ១៤៥ ទីតាំងនៅថ្ងៃចន្ទ និង ៤៩១ កន្លែងទៀតនៅថ្ងៃអង្គារ និងថ្ងៃពុធ ខណៈការចាក់លើកដំបូងនឹងធ្វើឡើងដល់ប្រជាជនប្រហែល ៣ លាននាក់ ។

គួរបញ្ជាក់ថា វ៉ាក់សាំងរបស់ក្រុមហ៊ុន Pfizer-BioNTech ដែលមានប្រសិទ្ធភាពការពារមនុស្សពីជំងឺកូវីដ ១៩ រហូតដល់ ៩៥ ភាគរយបានទទួលការអនុញ្ញាតឲ្យប្រើជាបន្ទាន់ពីរដ្ឋបាលចំណីអាហារ និងឪសថអាមេរិក (FDA) កាលពីថ្ងៃសុក្រ ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ BBC