ព័ត៌មានអន្ដរជាតិ
អ្នកជំនាញព្រមាន កុំធ្វើរឿងនេះដាច់ខាតក្រោយចាក់វ៉ាក់សាំងកូវីដ
យោងតាមអ្នកជំនាញបានឲ្យដឹងថា ការទទួលទានគ្រឿងស្រវឹងគួរតែចៀសវាងបន្ទាប់ពីចាក់វ៉ាក់សាំងការពារជំងឺកូវីដ១៩។
អ្នកវិទ្យាសាស្ត្ររុស្ស៊ីព្រមានថា សារធាតុនេះអាចធ្វើឲ្យប៉ះពាល់ដល់ប្រសិទ្ធភាពរបស់វ៉ាក់សាំង។
ការព្រមាននេះបានកើតឡើងចំពេលប្រទេសអង់គ្លេសមានគម្រោងបើកគ្លីនិកចាក់វ៉ាក់សាំងការពារវីរុសកូរ៉ូណាខណៈក្រុមគ្រូពេទ្យធ្វើប្រតិបត្តិការចាក់វ៉ាក់សាំងរបស់ក្រុមហ៊ុន Pfizer/BioNTech ក្នុងទីតាំងរាប់រយផ្សេងៗគ្នា។
ទោះបីជាមន្ត្រីសុខាភិបាលនៅចក្រភពអង់គ្លេសមិនបាននិយាយអំពីផលប៉ះពាល់នៃគ្រឿងស្រវឹងលើវ៉ាក់សាំងក៏ដោយក៏អ្នកវិទ្យាសាស្ត្ររុស្ស៊ីម្នាក់ដែលចូលរួមក្នុងការបង្កើតវ៉ាក់សាំង Sputnik V បានចេញការព្រមានយ៉ាងច្បាស់ៗ។
គាត់និយាយថា គាត់បានណែនាំយ៉ាងម៉ឺងម៉ាត់ប្រឆាំងនឹងគ្រឿងស្រវឹងក្រោយចាក់វ៉ាក់សាំង។
លោកវេជ្ជបណ្ឌិត Alexander Gintsburg ប្រធានមជ្ឈមណ្ឌលជាតិប្រយុទ្ធប្រឆាំងរោគរាតត្បាតនិងមីក្រូជីវសាស្រ្ត Gamaleya ក្នុងទីក្រុងមូស្គូបានប្រាប់គេហទំព័រ New Scientist ថា “យើងសូមណែនាំឲ្យចៀសវាងការសេពគ្រឿងស្រវឹងក្នុងរយៈពេល៣ថ្ងៃបន្ទាប់ពីការចាក់វ៉ាក់សាំងម្តងៗ”។
លោកវេជ្ជបណ្ឌិត Gintsburg បានអះអាងថា “វាជាការសំខាន់ណាស់ដែលត្រូវយល់ថា ការទទួលទានគ្រឿងស្រវឹងច្រើនពេកអាចកាត់បន្ថយភាពស៊ាំ ដូច្នេះវានឹងកាត់បន្ថយប្រសិទ្ធភាពរបស់វ៉ាក់សាំងឬអាចធ្វើឲ្យវាគ្មានន័យ”។
គាត់បានបន្ថែមទៀតថា ជាតិអាល់កុលច្រើនអាចបំផ្លាញអង់ទីគ័រ។
លោក Gintsburg បានអះអាងថា “នេះគឺជាការពិតមិនត្រឹមតែចំពោះវ៉ាក់សាំង Sputnik V ប៉ុណ្ណោះទេប៉ុន្តែក៏ចំពោះវ៉ាក់សាំងដទៃទៀតដែរ”៕
ប្រែសម្រួលដោយ៖ Vann Vann
ប្រភព៖ Daily Star
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង