Connect with us

ព័ត៌មានអន្ដរជាតិ

ប៉ូឡូញ​ និង​​ប៊ុលហ្គារី​ជា​​ប្រទេស​​មុន​​គេ​​ដែល​​រុស្ស៊ី​នឹង​​ផ្តាច់​ថាមពលចាប់​ពី​ថ្ងៃនេះ​

បានផុស

នៅ

ក្រុម​ហ៊ុន​ថាមពល​យក្ស​របស់​ប្រទេស​រុស្ស៊ី Gazprom បាន​ប្រាប់​ប្រទេស​ប៉ូឡូញ និង​ប៊ុលហ្គារី​ថា ខ្លួន​នឹង​បញ្ឈប់​ការ​ផ្គត់​ផ្គង់​​​ឧស្ម័ន​ចាប់​ពី​ថ្ងៃ​ពុធ ទី​២៧ ខែ​មេសា​នេះ ដែល​កាន់​តែ​ធ្វើ​ឲ្យ​កម្តៅ​ខ្លាំង​នៃ​ជម្លោះ​​របស់​រុស្ស៊ី​​ជា​មួយ​ប្រទេស​លោក​ខាង​លិច​​ជុំ​វិញ​វិបត្តិ​​​អ៊ុយក្រែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូឡូញ និង​ប៊ុលហ្គារី​នឹង​ក្លាយ​ជា​ប្រទេស​មុន​​​គេ​ត្រូវ​បាន​កាត់​ផ្តាច់​ឧស្ម័ន​​ដោយ​​អ្នក​ផ្គង់​ផ្គង់​ថាមពល​ធំ​របស់​អឺរ៉ុប​ចាប់​តាំង​ពី​រដ្ឋាភិបាល​ក្រុង​មូស្គូ​ចាប់​ផ្តើម​​ធ្វើ​ការ​វាយ​ប្រហារ​ជា​អ្វី​ដែល​ខ្លួន​​ហៅ​ថា «ប្រតិបត្តិការ​យោធា​ពិសេស»​នៅ​អ៊ុយក្រែន​កាល​ពីថ្ងៃ​ទី​២៤ ខែ​កុម្ភៈ។ ការ​សម្រេច​បញ្ឈប់​ការ​ផ្គត់​ផ្គង់​នេះ​ធ្វើ​ឡើយ បន្ទាប់​ពី​ទី​ក្រុងរដ្ឋាភិបាល​ទី​ក្រុង Warsaw បាន​សម្រេច​ដាក់​ទណ្ឌកម្ម​លើ​ក្រុម​ហ៊ុន និង​​ជន​ជាតិ​រុស្ស៊ី។

លោក​ប្រធានាធិបតី​រុស្ស៊ី វ្លាឌីមៀរ ពូទីន បាន​ទាម​ទារ​ឲ្យ​​​ប្រទេស​ទាំងឡាយ​ដែល​លោក​ចាត់​ទុក​ថា​បាន​យល់មិន​សមហេតុ​ផល​ចំពោះ​គម្រោង​មួយ​ដែល​ស្ថិត​នៅ​ក្រោម​​គម្រោង​ដែល​ពួក​គេ​នឹង​បើក​គណនី​នៅ Gazprombank និង​ធ្វើ​ការ​ទូទាំត់​សម្រាប់​ការ​នាំចូល​ឧស្ម័ន​រុស្ស៊ី​ជា​ប្រាក់​អឺរ៉ូ ឬ​ដុល្លារ​ដែល​​​នឹង​បំប្លែង​ទៅ​ជា​ប្រាក់​រូពី។

កាល​ពី​សប្តាហ៍​មុន គណៈកម្មការ​អឺរ៉ុប​បាន​និយាយ​​ថា ក្រុម​ហ៊ុន​អឺរ៉ុប​ប្រហែល​ជា​អាច​ធ្វើ​ការ​​ជុំ​វិញ​ការ​ទាម​ទារ​របស់​រុស្ស៊ី​ដើម្បី​ទទួល​យក​ការ​ទូទាត់​​ជា​ប្រាក់​រូពី​ដោយ​គ្មាន​ការ​បំពាន​ទណ្ឌកម្ម ប្រសិន​បើ​ពួក​គេបង់​ជា​ប្រាក់​អឺរ៉ូ ឬ​ដុល្លារ​ដែល​​បន្ទាប់​មក​បំប្លែង​​ជា​ប្រាក់​រុស្ស៊ី។

ប៉ូឡូញ​គឺ​ជា​ដៃ​គូ​ប្រជែង​នយោបាយ​របស់​ទី​ក្រុង​មូស្គូ​មួយ។ ​ក្រុម​ហ៊ុន​ឧស្ម័ន​របស់​ប៉ូឡូញ PGNiG ដែល​​ចុះ​កិច្ច​ព្រម​ព្រៀង​​ជាមួយ​រុស្ស៊ី​​នឹង​ផុត​កំណត់​នៅ​ចុង​ឆ្នាំ​នេះ​បាន​និយាយ​ថា ខ្លួន​​នឹង​មិន​ធ្វើ​តាម​គម្រោង​នៃ​ការ​ទូទាត់​ថ្មី​ទេ ហើយ​ក៏​នឹង​មិន​បន្ត​កិច្ច​សន្យា​ថ្មី​ដែរ៕

ប្រែ​សម្រួល៖ វីរបុត្រ
ប្រភព៖ Reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម