ព័ត៌មានអន្ដរជាតិ
ប្រមុខចារកម្មអ៊ុយក្រែន អះអាងថា សង្គ្រាមមិនចប់ទេ លុះត្រាលោក ពូទីន ស្លាប់
ប្រមុខចារកម្មយោធាកំពូលរបស់អ៊ុយក្រែន បានលើកឡើងថា វិធីតែមួយគត់ដែលរុស្ស៊ីនឹងបញ្ឈប់ការលុកលុយដ៏ឃោរឃៅរបស់ខ្លួន គឺលុះត្រាតែលោក វ្ល៉ាឌីមៀរ ពូទីន ស្លាប់។
ប្រមុខចារកម្មយោធាអ៊ុយក្រែន លោក Kyrylo Budanov បាននិយាយថា វាមិនប្រាកដប្រជាទេ ដែលត្រូវរំពឹងថា វិមានក្រឹមឡាំងនឹងដកកងកម្លាំងរបស់ខ្លួនចេញពីអ៊ុយក្រែនទាំងស្រុងនោះ។
នៅពេលត្រូវបានសួរថាតើលោកពូទីន អាចបញ្ចប់សង្រ្គាមទាំងនៅរស់ឬក៏អត់ លោក Budanov បានប្រាប់កាសែត The New Voice of Ukraine ថា “ការទុកផ្លូវឲ្យលោក ពូទីន ដកទ័ព គឺជាយុទ្ធសាស្រ្តមួយ ប៉ុន្តែវាស្ទើរតែមិនអាចទៅរួច។ គាត់គឺជាឧក្រិដ្ឋជនសង្គ្រាម សម្រាប់ពិភពលោកទាំងមូល។ នេះជាទីបញ្ចប់របស់គាត់ គាត់បានដើរដល់ផ្លូវទ័លហើយ”។
ទោះបីជាយ៉ាងណាក៏ដោយ ប្រមុខចារកម្មរូបនេះ មិនបានលើកឡើងថាតើ លោកពូទីន អាចស្លាប់ដោយមូលហេតុអ្វីនោះទេ។ ប៉ុន្តែគាត់បាននិយាយថា គាត់ជឿជាក់ថា ករណីនេះអាចបង្កឲ្យមានវិបត្តិនយោបាយនៅក្នុងប្រទេសរុស្ស៊ី ធ្វើឲ្យគេមើលឃើញថា ប្រទេសនេះបែកបាក់គ្នា។
អ្នកវិភាគលោកខាងលិចជាច្រើន បានអះអាងថា លោក ពូទីន ចង់ប្រកាសជ័យជម្នះក្នុងសង្គ្រាមជាមួយអ៊ុយក្រែន អំឡុងទិវាជ័យជម្នះរបស់រុស្ស៊ីថ្ងៃទី៩ខែឧសភា ដែលជាទិវាអបអរសាទរសហភាពសូវៀត យកឈ្នះលើពួកណាស៊ីអាល្លឺម៉ង់។
លោក Budanov ជឿថា ឥឡូវនេះលោកពូទីនកំពុងព្យាយាមប្រមូលកម្លាំងបន្ថែមទៀតឲ្យបាន មុនថ្ងៃជានិមិត្តរូបនោះ។
ប៉ុន្តែការទទួលជ័យជម្នះរបស់រុស្ស៊ីនៅតែហាក់ដូចជាមិនអាចទៅរួច ព្រោះសព្វថ្ងៃនេះ អ៊ុយក្រែនបានរុញច្រានរុស្ស៊ីចេញពីទីក្រុងធំទីពីររបស់ខ្លួន ក្នុងការវាយប្រហារតបតប្រកបដោយជោគជ័យ៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ លោក Johnson ប្រាប់ថា អ៊ុយក្រែន នឹងឈ្នះសង្គ្រាមជាមួយ រុស្ស៊ី
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)