ព័ត៌មានអន្ដរជាតិ
លោក Johnson ប្រាប់ថា អ៊ុយក្រែន នឹងឈ្នះសង្គ្រាមជាមួយ រុស្ស៊ី
នាយករដ្ឋមន្ត្រីអង់គ្លេស លោក Boris Johnson បានប្រាប់សភាអ៊ុយក្រែនថា កងទ័ពអ៊ុយក្រែននឹងផ្តួលកងទ័ពរុស្ស៊ី ហើយអ៊ុយក្រែននឹងមានសេរីភាព ពីអ្នកកាន់កាប់។
នាយករដ្ឋមន្ត្រីអង់គ្លេសរូបនេះ បានក្លាយជាមេដឹកនាំពិភពលោកដំបូងគេ ដែលថ្លែងទៅកាន់សមាជិកសភាអ៊ុយក្រែន ចាប់តាំងពីរុស្ស៊ី បើកការលុកលុយកាលពីចុងខែកុម្ភៈមក។ លោកនិយាយថា អ៊ុយក្រែនបានបង្ហាញឲ្យឃើញថា អ្នកជំនាញខាងយោធា វិភាគខុសទាំងស្រុង។
នៅក្នុងសុន្ទរកថា លោកបានប្រាប់សភាអ៊ុយក្រែនឬគេហៅ Verkhovna Rada ថា “កម្លាំងដែលមិនអាចទប់ទល់បាននៃម៉ាស៊ីនសង្រ្គាមរបស់លោក ពូទីន ត្រូវបានបំបែកដោយភាពមិនអាចផ្លាស់ប្តូរបាននៃការស្នេហាជាតិរបស់អ៊ុយក្រែន”។ លោកបន្តថា “អ៊ុយក្រែននឹងឈ្នះ អ៊ុយក្រែននឹងមានសេរីភាព”។
ពេលសំដៅទៅលោក ពូទីន, លោកនាយករដ្ឋមន្រ្តីអង់គ្លេស Johnson បាននិយាយថា សង្រ្គាមបានលាតត្រដាងឲ្យឃើញនូវភាពល្ងង់ខ្លៅជាប្រវត្តិសាស្ត្ររបស់មេដឹកនាំរុស្ស៊ី ដែលជា កំហុសដ៏ធំ មានតែអ្នកកាន់អំណាចម្នាក់ប៉ុណ្ណោះដែលអាចបង្កើតឡើងបាន។
លោក Johnson និយាយទៀតថា “នៅពេលដែលមេដឹកនាំមួយរូប គ្រប់គ្រងដោយភាពភ័យខ្លាច, ការបោះឆ្នោតដ៏ចម្រូងចម្រាស, ដាក់គុកអ្នករិះគន់, បិទបាំងប្រព័ន្ធផ្សព្វផ្សាយ និងស្តាប់តែពាក្យមួលបង្កាច់ នៅពេលដែលគ្មានដែនកំណត់លើអំណាចរបស់គាត់ នោះគឺជាពេលដែលគាត់សាងកំហុសដ៏មហន្តរាយ”។
គួរបញ្ជាក់ថា ជំនួយយោធាអង់គ្លេសក្នុងទំហំទឹកប្រាក់ ៣០០លានផោនបន្ថែមទៀត ត្រូវបានប្រកាស ខណៈដែលអ៊ុយក្រែន បន្តប្រយុទ្ធប្រឆាំងនឹងការវាយលុករបស់រុស្ស៊ី។
វារួមបញ្ចូលទាំងប្រព័ន្ធរ៉ាដាប្រឆាំងមីស៊ីល យន្តហោះគ្មានមនុស្សបើកធុនធ្ងន់ ឧបករណ៍រំខាន GPS និងឧបករណ៍មើលពេលយប់រាប់ពាន់គ្រឿង៕
ប្រែសម្រួល៖ Vann Vann
ប្រភព៖ SKY
ចុចអាន៖ Putin បញ្ជាក់ ២ ចំណុច ដែលលោកខាងលិច អាចជួយបញ្ចប់សង្រ្គាម នៅ អ៊ុយក្រែន បាន
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ២ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ១ សប្តាហ៍ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម១ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ