មន្ត្រីសុខាភិបាលជប៉ុនណែនាំឲ្យប្រជាជនចាក់វ៉ាក់សាំងបង្ការជំងឺផ្តាសាយ

មន្ត្រីសុខាភិបាលជប៉ុនកំពុងជំរុញឲ្យប្រជាជនគ្រប់វ័យទាំងអស់ទទួលការចាក់វ៉ាក់សាំងការពារជំងឹផ្ដាសាយ ចំពេលមានការព្រួយបារម្ភអំពីការផ្ទុះឡើងដំណាលគ្នានៃជំងឺផ្តាសាយ និងជំងឺកូវីដ ១៩​ ។

តម្រូវការវ៉ាក់សាំងផ្តាសាយត្រូវបានគេរំពឹងថានឹងកើនឡើងនៅរដូវរងានេះ ខណៈដែលក្រសួងសុខាភិបាលបានណែនាំថា អ្នកដែលមានអាយុចាប់ពី ៦៥ ឆ្នាំឡើងទៅគួរតែចាក់វ៉ាក់សាំងជំងឺផ្តាសាយលើកដំបូងចាប់ពីថ្ងៃទី ១ ខែវិច្ឆិកា តទៅ ។

ចាប់ផ្តើមពីថ្ងៃចន្ទ ក្រសួងកំពុងណែនាំក្រុមអាយុផ្សេងទៀតឲ្យចាក់វ៉ាក់សាំងជំងឺផ្ដាសាយដោយនិយាយថា មនុស្សចាស់មួយចំនួនបានចាក់វ៉ាក់សាំងនេះរួចហើយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះមន្ត្រីក្រសួងក៏កំពុងជំរុញឲ្យបុគ្គលិកពេទ្យ ប្រជាជនដែលមានស្ថានភាពល្អប្រសើរ ស្ត្រីមានផ្ទៃពោះ និងកុមារចាប់ពីអាយុ ៦ ខែដល់ ៨ ឆ្នាំត្រូវចាក់វ៉ាក់សាំងឲ្យបានឆាប់ ។

ក្រុមមន្រ្តីនិយាយថា វ៉ាក់សាំងផ្តាសាយសម្រាប់មនុស្សពេញវ័យជាង ៦៦ លាននាក់ត្រូវបានគេរំពឹងថានឹងត្រូវបានផ្គត់ផ្គង់ក្នុងរដូវនេះ ខណៈវ៉ាក់សាំងគឺមានប្រហែល ២.៨ លានដូសច្រើនជាងការប៉ាន់ស្មានកាលពីដំបូង ។

រដ្ឋមន្រ្តីក្រសួងសុខាភិបាល Tamura Norihisa បានប្រាប់អ្នកយកព័ត៌មានថា ក្រសួងរបស់លោកទទួលបានវ៉ាក់សាំងការពារជំងឺផ្តាសាយច្រើនជាងឆ្នាំមុន ។ ប៉ុន្តែលោកបាននិយាយថា មានគម្លាតរវាងការផ្គត់ផ្គង់ និងតម្រូវការ ខណៈដែលមនុស្សជាច្រើនធ្វើការកក់មុនច្រើនជាងធម្មតា ។ លោកថា ក្រសួងនឹងព្យាយាមបង្កើតវ៉ាក់សាំងការពារជំងឺផ្តាសាយឲ្យបានស្មើភាពគ្នានៅទូទាំងប្រទេស ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ កូរ៉េខាងត្បូងបន្តកម្មវិធីចាក់វ៉ាក់សាំងផ្តាសាយ ទោះចំនួនអ្នកស្លាប់កើនឡើងក៏ដោយ

ចុចអាន ៖ WHO និយាយជាថ្មីម្តងទៀតថា ថ្នាំ Remdesivir មានប្រសិទ្ធិភាពតិចតួច ឬគ្មានតែម្ដងសម្រាប់ការព្យាបាលជំងឺកូវីដ ១៩