គ្រាន់តែរកឃើញកូវីដករណីដំបូងភ្លាម លោក គីម ជុងអ៊ុន ប្រកាសបិទខ្ទប់ ទូទាំងប្រទេស

មេដឹកនាំកូរ៉េខាងជើងលោក គីម ជុងអ៊ុន បានបញ្ជាឲ្យបិទខ្ទប់ទូទាំងប្រទេស ក្រោយទីក្រុងព្យុងយ៉ាងប្រកាសរកឃើញករណីឆ្លងជំងឺកូវីដ ១៩ ជាលើកដំបូងនៅថ្ងៃព្រហស្បតិ៍នេះ ។

បើយោងតាមទីភ្នាក់ងារព័ត៌មានរដ្ឋកូរ៉េ KCNA បានឲ្យដឹងថា លោក គីម បានបញ្ជាឲ្យទីក្រុង និងស្រុកទាំងអស់របស់ប្រទេស “បិទខ្ទប់យ៉ាងតឹងរ៉ឹងបំផុត” ដើម្បីការពារការរីករាលដាលនៃមេរោគឆ្លង ហើយការផ្គត់ផ្គង់ផ្នែកវេជ្ជសាស្រ្ត និងសេវាសង្គ្រោះបន្ទាន់នឹងត្រូវបានចល័តគ្រប់ទីកន្លែង ។

ទន្ទឹមនោះលោក គីម ក៏បានប្រាប់កិច្ចប្រជុំរបស់គណបក្សពលករផងដែរអំពីការរៀបចំប្រព័ន្ធធ្វើចត្តាឡីស័ក និងការព្យាបាលអ្នកឆ្លងឲ្យបានឆាប់រហ័សក៏ដូចជាក្នុងរយៈពេលខ្លីបំផុតដើម្បីកម្ចាត់ប្រភពនៃការចម្លង ។

គួរបញ្ជាក់ថា វីរុសដែលកូរ៉េខាងជើងប្រកាសរកឃើញជាផ្លូវការនោះគឺជាវីរុសបំប្លែងខ្លួនក្លាយចេញពីអូមីក្រុងដែលត្រូវបានគេស្គាល់ថា ប្រភេទ BA.2 ហើយវាករណីដំបូងបំផុតរបស់ប្រទេស បន្ទាប់បាន​រក្សា​សុវត្ថិភាព​មិនមានករណីឆ្លងក្នុងរយៈ​ពេល ២ ​ឆ្នាំ និង ៣ ​ខែ​ ​ចាប់​តាំង​ពី​ខែ​កុម្ភៈ​ ឆ្នាំ ​២០២០ មក ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ កូរ៉េខាងជើង ហាមមិនឲ្យស្រីៗស្លៀកខោខូវប៊យរឹបៗ និងលាបពណ៌សក់ អ្នកហ៊ានល្មើសនឹងខ្មាស់គេពេញប្រទេស

​​​