ព័ត៌មានអន្ដរជាតិ

ថៃ បង្ក្រាបបណ្ដាញល្បែងស៊ីសងតាមអនឡាញ Fifa555 រឹបអូសលុយបានជាង ៤២ លានបាត

បានផុស

៤ years មុន

នៅ

ថ្ងៃពុធ ២៩ មិថុនា ២០២២

ដោយ

ប៉ូលិសប្រឆាំងបទល្មើសបច្ចេកវិទ្យាព័ត៌មានថៃ (Police Cyber Taskforce) បានឆ្មក់ចូលទីតាំងល្បែងស៊ីសងតាមអនឡាញដ៏ល្បីល្បាញមួយកន្លែងឈ្មោះ Fifa555 និងបានចាប់ខ្លួនជនសង្ស័យ ៦ នាក់ ក៏ដូចជារឹបអូសវត្ថុតាងជាលុយជាង ៤២ លានបាត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ Damrongsak អគ្គស្នងការរង និងជានាយកមជ្ឈមណ្ឌលប្រឆាំងបទល្មើសបច្ចេកវិទ្យាព័ត៌មានបាននិយាយថា បន្ទាប់ពីមានបញ្ជាពីអគ្គស្នងការនគរបាលជាតិគឺលោកឧត្តមសេនីយ៍ Suwat Chaengyodsuk ឲ្យពន្លឿនការបង្រ្កាបឧក្រិដ្ឋកម្មតាមអនឡាញដែលបានបង្កបញ្ហាដល់ប្រជាពលរដ្ឋ ប៉ូលិសប្រឆាំងបទល្មើសបច្ចេកវិទ្យាព័ត៌មានបានចាប់ខ្លួនក្រុមឧក្រិដ្ឋកម្មតាមប្រព័ន្ធអនឡាញរហូតបានចំនួន ៥ ក្រុម ចាប់ពីថ្ងៃទី ២០ ដល់ថ្ងៃទី ៣០ ខែមិថុនា ក៏ដូចជាតាមចាប់ខ្លួនបុគ្គលដែលតុលាការបានចេញដីកាចាប់ខ្លួនថ្មីៗនេះផងដែរ ។

ជាលទ្ធផលសមត្ថកិច្ចអាចចាប់ខ្លួនជនសង្ស័យបានចំនួន ៦ នាក់ ប្រុស ៣ នាក់ ស្រី ៣ នាក់ រួមនឹងរថយន្ត ៣ គ្រឿង, លុយជាង ៤២ លានបាត, កាត ATM ចំនួន ៧០ កាត, ទូរស័ព្ទដៃ ៦ គ្រឿង, កាបូបលុយម៉ាកល្បីចំនួន ៥, ម៉ាស៊ីនរាប់លុយចំនួន ២ គ្រឿង ។ បន្ទាប់មកជនសង្ស័យទាំង ៦ នាក់ រួមនឹងវត្ថុតាងត្រូវបានសមត្ថកិច្ចបញ្ជូនខ្លួនទៅកាន់ផ្នែកជំនាញស៊ើបអង្កេតនៃអគ្គស្នងការដើម្បីផ្តន្ទាទោសតាមច្បាប់ ។

គួរបញ្ជាក់ថា គេហទំព័រល្បែងស៊ីសង Fifa555 networkត្រូវបានពួកឧក្រិដ្ឋផ្សព្វផ្សាយយ៉ាងទូលំទូលាយនូវល្បែងភ្នាល់នេះតាមអនឡាញ ៕