Connect with us

ព័ត៌មានអន្ដរជាតិ

ចិន វាយបកធ្ងន់ៗ ទៅប្រមុខ FBI និង MI5 ក្រោយចោទប្រកាន់ក្រុង ប៉េកាំង (មានវីដេអូ)

បានផុស

នៅ

ប្រទេសចិន បានចោទប្រកាន់សហរដ្ឋអាមេរិកថាជា “ការគំរាមកំហែងធំបំផុតចំពោះសន្តិភាព ស្ថិរភាព និងការអភិវឌ្ឍន៍ពិភពលោក” ជាការឆ្លើយតបទៅនឹងការចោទប្រកាន់ពីសំណាក់ប្រមុខសេវាសន្តិសុខនៅទីក្រុងវ៉ាស៊ីនតោន និងទីក្រុងឡុងដ៍ដែលថា ចារកម្មរបស់ចិន គឺជាការគំរាមកំហែងពិភពលោក ហើយប្រទេសចិនកំពុងគំរាមកំហែងដល់សណ្តាប់ធ្នាប់អន្តរជាតិ។

អ្នកនាំពាក្យក្រសួងការបរទេសចិន លោក Zhao Lijian

ការអត្ថាធិប្បាយរបស់អ្នកនាំពាក្យក្រសួងការបរទេសចិន លោក Zhao Lijian កាលពីថ្ងៃព្រហស្បតិ៍ទី០៧ខែកក្កដា បានធ្វើឡើងមួយថ្ងៃ បន្ទាប់ពីប្រមុខការិយាល័យស៊ើបអង្កេតសហព័ន្ធអាមេរិក (FBI) និងមេដឹកនាំទីភ្នាក់ងារចារកម្មក្នុងស្រុករបស់ចក្រភពអង់គ្លេស (MI5) ព្រមានបណ្តាមេដឹកនាំអាជីវកម្មថា ទីក្រុងប៉េកាំង បានប្ដេជ្ញា​លួច​បច្ចេកវិទ្យា​របស់ពួកគេ​ដើម្បីទទួលបានផល​ចំណេញ​ក្នុង​ការ​ប្រកួតប្រជែង។

ការវាយបកខ្លាំងៗពីទីក្រុងប៉េកាំង ក៏កើតឡើងផងដែរ មុនកិច្ចប្រជុំថ្ងៃសៅរ៍រវាងរដ្ឋមន្ត្រីការបរទេសអាមេរិកលោក Antony Blinken និងរដ្ឋមន្ត្រីការបរទេសចិនលោក Wang Yi ក្នុងកិច្ចប្រជុំកំពូលក្រុមប្រទេសអ្នកមាន និងប្រទេសកំពុងអភិវឌ្ឍន៍ឈានមុខទាំង២០ (G20) នៅកោះបាលី ប្រទេសឥណ្ឌូណេស៊ី។

នាយក FBI លោក Christopher Wray

នៅពេលសួរអំពីការលើកឡើងរបស់នាយក FBI លោក Christopher Wray ដែលបរិហារចារកម្មសេដ្ឋកិច្ច និងប្រតិបត្តិការ Hack ដោយប្រទេសចិន និងកិច្ចខិតខំប្រឹងប្រែងរបស់រដ្ឋាភិបាលចិនដើម្បីទប់ទល់នឹងការប្រឆាំងនៅបរទេស, លោក Zhao បានប្រាប់ក្រុមអ្នកសារព័ត៌មានក្នុងសន្និសីទសារព័ត៌មានប្រចាំថ្ងៃថា “អ្នកនយោបាយអាមេរិកដែលពាក់ព័ន្ធ បាននិងកំពុងលេងសើចនឹងអ្វីដែលហៅថាជាការគំរាមកំហែងរបស់ចិន ក្នុងការលាបពណ៌ និងវាយប្រហារប្រទេសចិន”។

លោក Zhao និយាយថា “ការពិតបានបង្ហាញឲ្យឃើញយ៉ាងជាក់ស្តែងថា សហរដ្ឋអាមេរិកគឺជាការគំរាមកំហែងដ៏ធំបំផុតចំពោះសន្តិភាព ស្ថិរភាព និងការអភិវឌ្ឍន៍ពិភពលោក។ យើងជំរុញឲ្យមន្ត្រីអាមេរិករូបនេះមានទស្សនវិស័យត្រឹមត្រូវ មើលឃើញការវិវត្តរបស់ប្រទេសចិនក្នុងលក្ខណៈសមហេតុផល ហើយបញ្ឈប់ការផ្សព្វផ្សាយភូតកុហក និងឈប់ធ្វើសុន្ទរកថាដែលគ្មានទំនួលខុសត្រូវ”។

នាយក MI5 លោក McCallum

ដោយឡែក ឆ្លើយតបទៅការលើកឡើងរបស់ នាយក MI5 លោក McCallum ដែលថា រដ្ឋាភិបាលចិន និងសម្ពាធលាក់កំបាំងរបស់ខ្លួន បង្កឲ្យមានការប្រកួតប្រជែងធំបំផុតដែលពិភពលោកកំពុងប្រឈមមុខនោះ, ​លោក Zhao ​និយាយ​ថា សេវាចារកម្ម​របស់​អង់គ្លេស​គឺ គ្រាន់តែ​បង្ហាញ​ពី​អាកប្បកិរិយា​មិន​គោរព​របស់​ពួកគេ​ទៅ​លើ​ប្រទេស​ចិន ប៉ុណ្ណោះ។

លោក Zhao កត់សម្គាល់ថា “ប្រមុខសេវាស៊ើបការណ៍សម្ងាត់អង់គ្លេស គួរតែបណ្ដេញបិសាចចេញពីចិត្ត ចាកចេញពីបន្ទប់ងងឹត ហើយមើលពន្លឺថ្ងៃ។ កុំប្រកាន់ខ្ជាប់នូវចិត្តគំនិតសូន្យ ឬបង្កើតសត្រូវស្រមើស្រមៃ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Al Jazeera

ចុចអាន៖ ប្រមុខ​ MI5,​ FBI​ ព្រមាន​អំពី​​ចារកម្ម​​ពាណិជ្ជកម្ម​​របស់​​ចិន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៣ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៣ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៤ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៤ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម