វេជ្ជបណ្ឌិត បញ្ជាក់ស្ថានភាពកូវីដ របស់លោក បៃដិន ពេលនេះ

អាការជំងឺកូវីដ១៩ របស់ប្រធានាធិបតីអាមេរិកលោក ចូ បៃដិន នៅពេលនេះ បានប្រសើរឡើងហើយ ដោយសារជីពចរ សម្ពាធឈាម និងកម្រិតអុកស៊ីសែនរបស់លោកនៅតែ ធម្មតា។ នេះបើតាមការបញ្ជាក់ពី វេជ្ជបណ្ឌិតរបស់លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីប្រកាសព័ត៌មាន ដែលចេញផ្សាយដោយសេតវិមាន, វេជ្ជបណ្ឌិតរបស់លោក បៃដិន គឺលោក Keven O’Connor បាននិយាយថា ប្រធានាធិបតីសហរដ្ឋអាមេរិក កំពុងចេញរោគសញ្ញាហៀរសំបោរ អស់កម្លាំង និង ក្អកម្តងម្កាល។

លោក O’Connor ក៏បាននិយាយផងដែរថា លោក បៃដិន មានគ្រុនក្តៅបន្តិចនៅល្ងាចថ្ងៃព្រហស្បតិ៍ ប៉ុន្តែមិនមានបញ្ហាអីទេ ព្រោះនោះជាការឆ្លើយតបទៅនឹងថ្នាំ។ កម្តៅរបស់លោកនៅតែធម្មតា ចាប់តាំងពីពេលនោះមក។

លោក បៃដិន ដែលធ្វើតេស្តវិជ្ជមានជំងឺកូវីដ១៩ កាលពីថ្ងៃព្រហស្បតិ៍ កំពុងបន្តលេបថ្នាំប្រឆាំងមេរោគ Paxlovid។ នេះជាថ្នាំដែលអាចកាត់បន្ថយហានិភ័យនៃការចូលព្យាបាលក្នុងមន្ទីរពេទ្យ និងការស្លាប់សម្រាប់អ្នកដែលងាយរងគ្រោះបំផុត។

នៅអាយុ៧៩ឆ្នាំ ប្រធានាធិបតីរូបនេះ ត្រូវបានគេចាត់ទុកថាស្ថិតក្នុងចំណោមក្រុមមនុស្សប្រភេទនេះ៕

ប្រែសម្រួល៖ Vann Vann

ប្រភព៖ Al Jazeera

ចុចអាន៖ សេតវិមាន បញ្ជាក់រោគសញ្ញា លោក បៃដិន ក្រោយឆ្លង កូវីដ១៩