ព័ត៌មានអន្ដរជាតិ
ប្រព័ន្ធឃោសនាក្រុងប៉េកាំង គំរាមថា ចិនអាចបាញ់ទម្លាក់យន្តហោះ ដឹកប្រធានសភា អាមេរិក (មានវីដេអូ)
ប្រព័ន្ធឃោសនាឈានមុខគេ សម្រាប់រដ្ឋាភិបាលចិនបានព្រមានថា យោធារបស់ចិនអាចវាយប្រហារយន្តហោះដែលដឹកប្រធានសភាអាមេរិក Nancy Pelosi ប្រសិនបើត្រូវបានអមដោយយន្តហោះចម្បាំងអាមេរិក មកបំពេញទស្សនកិច្ចនៅកោះតៃវ៉ាន់មែន។
លោកស្រី Pelosi បានចាកចេញកាលពីថ្ងៃសុក្រទី២៩ខែកក្កដា សម្រាប់ដំណើរទស្សនកិច្ចមួយ ដែលអាចរួមបញ្ចូលទាំងការឈប់សំចតដ៏ចម្រូងចម្រាសនៅកោះតៃវ៉ាន់ ដែលជាចំណុចក្តៅនៃភាពតានតឹងរវាងទីក្រុងប៉េកាំង និងវ៉ាស៊ីនតោន ផងដែរ។
ក្នុងការបង្ហោះ Twitter, លោក Hu Xijin អ្នកអត្ថាធិប្បាយនៅកាសែត Global Times ដែលគ្រប់គ្រងដោយរដ្ឋចិន បានសរសេរថា “ប្រសិនបើយន្តហោះចម្បាំងអាមេរិក អមយន្តហោះរបស់លោកស្រី Pelosi ចូលទៅក្នុងកោះតៃវ៉ាន់មែន នោះគឺជាការលុកលុយហើយ។ កងទ័ពរំដោះប្រជាជនចិន មានសិទ្ធិប្រើកម្លាំងបណ្តេញយន្តហោះរបស់លោកស្រី Pelosi និងយន្តហោះចម្បាំងរបស់សហរដ្ឋអាមេរិក រួមទាំងការបាញ់ព្រមាន និងបង្កើតចលនាយុទ្ធសាស្ត្រនៃការរារាំងផងដែរ”។ លោក Hu បានបន្ថែមថា “ប្រសិនបើធ្វើបែបនេះហើយនៅតែគ្មានប្រសិទ្ធភាពនោះ ចិន នឹងបាញ់ទម្លាក់យន្តហោះទាំងនោះតែម្តង”។
ទោះបីជាយ៉ាងណាក៏ដោយ ជំនួយការរបស់លោកស្រី Pelosi មិនទាន់បញ្ជាក់ថាតើការធ្វើដំណើររបស់ប្រធានសភារូបនេះ នឹងរួមបញ្ចូលទាំងការបំពេញទស្សនកិច្ចនៅកោះតៃវ៉ាន់ដែរឬក៏អត់នោះទេ។
ឆ្លើយតបទៅនឹងកំហឹងកាន់តែពុះកញ្ជ្រោលឡើងនៅក្នុងប្រទេសចិន ចំពោះលទ្ធភាពដែលលោកស្រី Pelosi ឈានជើងចូលតៃវ៉ាន់, អ្នកនាំពាក្យក្រុមប្រឹក្សាសន្តិសុខជាតិអាមេរិកលោក John Kirby បាននិយាយថា “គ្មានហេតុផលសម្រាប់រឿងបែបនោះកើតឡើងទេ ហើយក៏គ្មានរឿងដែលបង្កឲ្យមានភាពតានតឹងកាន់តែខ្លាំងឡើងដែរ។ គ្មានហេតុផលសម្រាប់រឿងនោះឡើយ ព្រោះមិនមានការផ្លាស់ប្តូរនៅក្នុងគោលនយោបាយរបស់អាមេរិក ដែលគោរពគោលការណ៍ចិនតែមួយនោះទេ”។
គួរបញ្ជាក់ថា ភាពតានតឹងរវាងចិន និងតៃវ៉ាន់ បានកើនឡើងខ្ពស់អស់រយៈពេលជាច្រើនទសវត្សរ៍មកហើយ ដោយចិនចាត់ទុកកោះនេះជាទឹកដីរបស់ខ្លួន៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Business Insider
ចុចអាន៖ កងទ័ពចិន ប្រកាស ត្រៀមខ្លួនធ្វើសង្គ្រាម រួចរាល់ហើយ!
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)