កងទ័ពចិន ប្រកាស ត្រៀមខ្លួនធ្វើសង្គ្រាម រួចរាល់ហើយ!

សារ “ត្រៀមខ្លួនធ្វើសង្គ្រាម!” ត្រូវបានបង្ហោះកាលពីថ្ងៃសុក្រទី ២៩ ខែកក្កដា ដោយក្រុមទី ៨០ នៃកងទ័ពរំដោះប្រជាជនចិន (PLA) ខណៈកំពុងមានភាពតានតឹងខ្លាំងជុំវិញដំណើរទស្សនកិច្ចរបស់ ប្រធានសភាសហរដ្ឋអាមេរិកទៅកាន់កោះតៃវ៉ាន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់កាសែត Global Times, សារសង្គ្រាមរបស់កងទ័ពចិននេះ បានទទួលការចុច Like ជាង ៣០០ ០០០ដង ក្នុងរយៈពេលត្រឹមតែ ១២ ម៉ោងប៉ុណ្ណោះ ដែលធ្វើឲ្យទាហានចិន​ កាន់តែមានទឹកចិត្ត។

សារនេះ ត្រូវបានបង្ហោះនៅលើបណ្តាញសង្គម Weibo របស់ប្រទេសចិន ហើយក្រោយមក រូបភាពនៃការបង្ហោះនេះត្រូវបានចែកចាយនៅលើ Twitter។

ការប្រកាសថា ប្រទេសចិនត្រៀមខ្លួនធ្វើសង្រ្គាម បានកើតឡើងក្រោយប្រធានសភាតំណាងរាស្រ្តសហរដ្ឋអាមេរិក លោកស្រី Nancy Pelosi ធ្វើឲ្យប្រទេសចិនខឹងសម្បាយ៉ាងខ្លាំង បន្ទាប់ពីការពិភាក្សាអំពីដំណើរទស្សនកិច្ច ទៅកាន់កោះតៃវ៉ាន់។

ប្រធានសភាអាមេរិក លោកស្រី Nancy Pelosi នឹងដឹកនាំគណៈប្រតិភូសភាជាផ្លូវការ មកកាន់តំបន់អាស៊ីនៅថ្ងៃសៅរ៍នេះ បើទោះបីជាគេមិនច្បាស់ថាតើ ដំណើរនេះនឹងរួមបញ្ចូលទាំងការឈប់សំចតនៅកោះ តៃវ៉ាន់ ​ដែរឬក៏អត់ក៏ដោយ។

អាមេរិកបាន​ ដាក់​ដំណើរ​ទស្សនកិច្ច​នៅកោះ​តៃវ៉ាន់​ ស្ថិតក្នុងភាពមិនច្បាស់លាស់។ ការធ្វើ​ទស្សនកិច្ច​នេះ ​នឹង​រួម​មាន​ដំណើរ​​ទៅ​កាន់​ប្រទេស​សម្ព័ន្ធមិត្ត​អាស៊ីដូចជា ជប៉ុន កូរ៉េ​ខាង​ត្បូង ម៉ាឡេស៊ី និង​សិង្ហបុរី។

គណៈប្រតិភូរបស់លោកស្រី Pelosi នឹងចាកចេញនៅថ្ងៃសៅរ៍ ដែលជាថ្ងៃចុងក្រោយនៃសម័យប្រជុំសភា មុនពេលឈប់សម្រាកពេញមួយខែខែសីហា៕

ប្រែសម្រួល៖ Vann Vann

ប្រភព៖ Euro Weekly News

ចុចអាន៖ រុស្ស៊ី បញ្ជាក់ជំហរ ចំពោះគោលការណ៍ចិនតែមួយ មុនដំណើរទស្សនកិច្ចរបស់ប្រធានសភា អាមេរិក