អាមេរិក រិះគន់សកម្មភាពរបស់ចិន ខណៈតៃវ៉ាន់ និយាយថា ក្រុងប៉េកាំង កំពុងហាត់សមវាយប្រហារ

សហរដ្ឋអាមេរិក បានចោទប្រកាន់ទីក្រុងប៉េកាំងថាកំពុងធ្វើសកម្មភាព “បង្ករឿង” និង “គ្មានទំនួលខុសត្រូវ” បន្ទាប់ពីតៃវ៉ាន់និយាយថា ប្រទេសចិន បានហាត់សមការវាយប្រហារកោះនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេតវិមាននិយាយថា ទីក្រុងប៉េកាំងកំពុងព្យាយាម ផ្លាស់ប្តូរស្ថានភាពកិច្ចការរដ្ឋ ជុំវិញបញ្ហាកោះតៃវ៉ាន់។

ភាពតានតឹងបានកើនឡើងកាន់តែខ្លាំង បន្ទាប់ពីការធ្វើដំណើរទស្សនកិច្ចទៅកាន់កោះតៃវ៉ាន់ ដោយគណៈប្រតិភូអាមេរិកដឹកនាំដោយអ្នកប្រជាធិបតេយ្យជាន់ខ្ពស់លោកស្រី Nancy Pelosi។

ចិន​ចាត់ទុក​ដំណើរ​ទស្សនកិច្ច​នេះ​ថា ​ជា​បញ្ហា​ប្រឈម​ចំពោះ​ការទាមទារ​អធិបតេយ្យភាព​របស់​ខ្លួន​លើ​កោះ​តៃវ៉ាន់។

ក្រសួងការពារជាតិក្រុងតៃប៉ិ និយាយថា នាវា និងយន្តហោះរបស់ចិនបានបំពេញបេសកកម្មនៅច្រកសមុទ្រតៃវ៉ាន់កាលពីថ្ងៃសៅរ៍ទី០៦ខែសីហា ដោយមានខ្លះ បានឆ្លងកាត់ខ្សែបន្ទាត់កណ្តាល ដែលជាខ្សែបន្ទាត់ពុះចែកមិនផ្លូវការ រវាងភាគីទាំងពីរ។

យ៉ាងណាក្តី យន្តហោះ​ចម្បាំង​តៃវ៉ាន់បាន​ព្យាយាម​ព្រមាន​ពួកគេ​ឲ្យ​ចេញទៅ​ឆ្ងាយ។

យោធាតៃវ៉ាន់ និយាយថា សមយុទ្ធនេះគឺជាការក្លែងបន្លំធ្វើការវាយប្រហារមកលើខ្លួន៕

ប្រែសម្រួល៖ Vann Vann

ប្រភព៖ BBC

ចុចអាន៖ មន្ត្រីជាន់ខ្ពស់ដឹកនាំកម្មវិធីមីស៊ីលរបស់កោះតៃវ៉ាន់ ត្រូវគេប្រទះឃើញស្លាប់ ក្នុងបន្ទប់សណ្ឋាគារ