ព័ត៌មានអន្ដរជាតិ

លោក Zelensky ថា តំបន់ Crimea ជារបស់ អ៊ុយក្រែន ហើយទីក្រុងកៀវនៅតែចង់បានឧបទ្វីបនេះមកវិញ

បានផុស

៤ years មុន

នៅ

ថ្ងៃពុធ ១០ សីហា ២០២២

ដោយ

ប្រធានាធិបតីអ៊ុយក្រែនលោក Volodymyr Zelensky បានរំលឹកឡើងវិញនូវការប្ដេជ្ញារបស់លោកក្នុងការដណ្តើមយកតំបន់ Crimea មកវិញ ដែលរុស្ស៊ីបានបញ្ចូលជាឯកតោភាគីកាលពី ៨ ឆ្នាំមុន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Zelenskyy បាននិយាយនៅក្នុងវីដេអូមួយដែលត្រូវបានបង្ហោះលើអ៊ីនធឺណិតកាលពីថ្ងៃអង្គារថា តំបន់ Crimea គឺជារបស់ប្រទេសអ៊ុយក្រែន ហើយរដ្ឋាភិបាលទីក្រុងកៀវនឹងមិនបោះបង់ចោលឧបទ្វីបមួយនេះឡើយ ។

លោកប្រធានាធិបតីរូបនេះបានកត់សម្គាល់ទៀតថា “រុស្ស៊ីបានប្រែក្លាយតំបន់ Crimea ដែលតែងតែជាកន្លែងល្អបំផុតនៅអឺរ៉ុប ទៅជាកន្លែងគ្រោះថ្នាក់បំផុតវិញនៅអឺរ៉ុប” ។

លោក Zelenskyy បានបញ្ជាក់បន្ថែមថា “វត្តមានរបស់កងកម្លាំងរុស្ស៊ីនៅលើឧបទ្វីប Crimea គឺជាការគំរាមកំហែងដល់អឺរ៉ុបទាំងមូល ក៏ដូចជាប៉ះពាល់ដល់ស្ថិរភាពពិភពលោកយ៉ាងខ្លាំងផងដែរ” ។

គួរបញ្ជាក់ថា រុស្ស៊ីបានកាត់យកតំបន់ Crimea ពីអ៊ុយក្រែនក្នុងខែមីនា ឆ្នាំ ២០១៤ បន្ទាប់ពីការធ្វើប្រជាមតិដែលសហគមន៍អន្តរជាតិមើលឃើញថាមិនស្របច្បាប់ ហើយការបោះឆ្នោតនោះត្រូវបានរៀបចំឡើងយ៉ាងប្រញាប់ប្រញាល់ ក្រោយកងទ័ពរុស្ស៊ីបានកាន់កាប់ទីតាំងយុទ្ធសាស្ត្រជាច្រើនជុំវិញឧបទ្វីបនេះ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ កូរ៉េខាងជើង ផ្ដល់ទាហាន ១០ ម៉ឺននាក់ឲ្យ រុស្ស៊ី ជួយកម្ចាត់ អ៊ុយក្រែន

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា