ព័ត៌មានអន្ដរជាតិ
រុស្ស៊ី លាតត្រដាងហេតុផល នៅពីក្រោយ ការបន្ថយល្បឿនវាយលុក អ៊ុយក្រែន (មានវីដេអូ)
រដ្ឋមន្ត្រីការពារជាតិរុស្ស៊ី លោក Sergei Shoigu បាននិយាយកាលពីថ្ងៃពុធទី២៤ខែសីហាថា ការបន្ថយល្បឿននៃការវាយលុក ក្នុងអំឡុងប្រតិបត្តិការយោធាពិសេសនៅអ៊ុយក្រែន គឺជាការសម្រេចចិត្តប្រកបដោយមនសិការ ព្រោះចង់កាត់បន្ថយចំនួនជនស៊ីវិលស្លាប់និងរបួស។
លោក Shoigu បាននិយាយក្នុងប្រទេសអ៊ូសបេគីស្ថានថា “ពេញមួយប្រតិបត្តិការពិសេសនេះ យើងបានប្រកាន់ខ្ជាប់នូវបទដ្ឋាននៃច្បាប់មនុស្សធម៌។ ការវាយប្រហារ ត្រូវបានអនុវត្តដោយអាវុធដែលមានភាពជាក់លាក់បំផុត លើហេដ្ឋារចនាសម្ព័ន្ធយោធារបស់កងកម្លាំងប្រដាប់អាវុធអ៊ុយក្រែនដូចជា ប៉ុស្តិ៍ត្រួតពិនិត្យ អាកាសយានដ្ឋាន ឃ្លាំងស្តុកទំនិញ បន្ទាយ និងទីតាំងឧស្សាហកម្មយោធា។ ក្នុងពេលជាមួយគ្នានេះ អ្វីគ្រប់យ៉ាងកំពុងត្រូវបានធ្វើដើម្បីចៀសវាងការស្លាប់ និងរបួសរបស់ជនស៊ីវិល។ ពិតណាស់ នេះគឺជាហេតុផលនៅពីក្រោយការបន្ថយល្បឿនវាយលុក ប៉ុន្តែយើងកំពុងធ្វើវាដោយមនសិការ”។
យោងតាមលោក Shoigu, “យោធារុស្ស៊ី បានរៀបចំការងារជាប្រព័ន្ធលើការបង្កើតជីវិតសន្តិភាពនៅក្នុងទឹកដីដែលរំដោះបាន។ យើងកំពុងផ្តល់ជំនួយមនុស្សធម៌ ការស្ដារឡើងវិញនូវហេដ្ឋារចនាសម្ព័ន្ធ និងប្រព័ន្ធទ្រទ្រង់ជីវិត”។
លោកបន្តថា ប្រតិបត្តិការយោធាពិសេស កំពុងដំណើរការទៅតាមផែនការ។ កិច្ចការទាំងអស់នឹងត្រូវបញ្ចប់។
លោក Shoigu បានប្រាប់កិច្ចប្រជុំរដ្ឋមន្ត្រីការពារជាតិ នៃរដ្ឋជាសមាជិកនៃអង្គការកិច្ចសហប្រតិបត្តិការសៀងហៃ ថា អាវុធដែលត្រូវបានបញ្ជូនទៅកាន់អ៊ុយក្រែនពីសហរដ្ឋអាមេរិក និងសម្ព័ន្ធមិត្តរបស់ខ្លួន បានបន្ថែមចំនួនអ្នកស្លាប់ និងរបួសកាន់តែច្រើន ហើយអូសបន្លាយជម្លោះយោធាកាន់តែយូរ៕
ប្រែសម្រួល៖ Vann Vann
ប្រភព៖ Sputnik
ចុចអាន៖ អ៊ុយក្រែន ថា រុស្ស៊ី បាញ់រ៉ុកកែតសម្លាប់មនុស្ស ២២នាក់ ក្នុងទិវាឯករាជ្យជាតិ

-
ព័ត៌មានជាតិ៤ ថ្ងៃ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ១ សប្តាហ៍ ago
សពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
ព័ត៌មានជាតិ២ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ២ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៤ ថ្ងៃ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៥ ថ្ងៃ ago
អ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម៦ ថ្ងៃ ago
មន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
សន្តិសុខសង្គម៤ ថ្ងៃ ago
សមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់