ព័ត៌មានអន្ដរជាតិ
មកដឹងខ្ទង់ចំណាយសម្រាប់រៀបចំពិធីបុណ្យសពថ្នាក់រដ្ឋរបស់លោក Abe
រដ្ឋាភិបាលជប៉ុននឹងចំណាយប្រាក់ប្រហែល ១.៨ លានដុល្លារសម្រាប់ពិធីបុណ្យសពថ្នាក់រដ្ឋសម្រាប់អតីតនាយករដ្ឋមន្ត្រីលោក Abe Shinzo ដែលត្រូវបានបាញ់សម្លាប់កាលពីខែកក្កដា ។
ការអនុម័តរបស់គណៈរដ្ឋមន្ត្រីលើការចំណាយប្រាក់ប្រហែល ២៥០ លានយ៉េន ឬប្រហែល ១.៨ លានដុល្លារពីមូលនិធិបម្រុងឆ្នាំសារពើពន្ធនេះកើតឡើងនៅក្នុងកិច្ចប្រជុំមួយកាលពីថ្ងៃសុក្រ ហើយរាល់ការចំណាយសម្រាប់ពិធីបុណ្យសពនឹងត្រូវបង់ពីថវិការដ្ឋ ។
ទន្ទឹមនោះ រដ្ឋាភិបាលគ្រោងនឹងអញ្ជើញភ្ញៀវផ្លូវការប្រមាណ ៦,០០០ នាក់ទៅចូលរួមពិធីបុណ្យសពដែលនឹងប្រារព្ធធ្វើនៅសាល Nippon Budokan ក្នុងទីក្រុងតូក្យូនៅថ្ងៃទី ២៧ ខែកញ្ញានេះ ។
ខ្ទង់ចំណាយទាំងអស់នេះរួមមានប្រហែល ១.៥ លានដុល្លារសម្រាប់រៀបចំកន្លែងពិធីបុណ្យសព និងប្រហែល ២២០,០០០ ដុល្លារសម្រាប់ការជួលទីតាំង ខណៈការចំណាយលើមន្ត្រីនគរបាលទទួលបន្ទុកយាមកាមសន្តិសុខមិនត្រូវបានរាប់បញ្ចូលនោះទេ ។
ប៉ុន្តែរដ្ឋាភិបាលមិនបានឲ្យក្រសួង ឬស្ថាប័ននានាបង្ហូតទង់ជាតិពាក់កណ្ដាលដង ឬស្ងប់ស្ងាត់ក្នុងថេរវេលាណាមួយនោះទេ ដោយសារមិនប្រាកដថា ពលរដ្ឋទាំងអស់សុទ្ធតែកាន់ទុក្ខលោក Abe នោះទេ ហើយក៏មិនបានចាត់ទុកពិធីបុណ្យថ្នាក់រដ្ឋនេះជាបញ្ហានយោបាយផងដែរ ។
គួរបញ្ជាក់ថា លោក Abe Shinzo ត្រូវបានខ្មាន់កាំភ្លើងឈ្មោះ Yamagami Tetsuya អាយុ ៤១ ឆ្នាំបាញ់សម្លាប់កាលពីថ្ងៃទី៨ ខែកក្កដា អំឡុងពេលលោកថ្លែងសុន្ទរកថាយុទ្ធនាការបោះឆ្នោតនៅទីក្រុង Nara ភាគខាងលិច ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង