Connect with us

ព័ត៌មានអន្ដរជាតិ

រុស្ស៊ី ដាក់ចំៗថា អាមេរិក និងណាតូជាប់ពាក់ព័ន្ធក្នុងជម្លោះ អ៊ុយក្រែន

បានផុស

នៅ

ប្រធានក្រុមប្រឹក្សាសន្តិសុខរុស្ស៊ីលោក Dmitry Medvedev បានច្រានចោលការអះអាងរបស់លោកខាងលិចដែលថា អង្គការណាតូមិនជាប់ពាក់ព័ន្ធនឹងជម្លោះដែលកំពុងបន្តនៅអ៊ុយក្រែន ហើយបានចោទប្រកាន់ពួកគេថា កំពុងធ្វើសង្គ្រាមប្រូកស៊ីប្រឆាំងនឹងរុស្ស៊ី ក្រោមដៃរបស់អ៊ុយក្រែន ។

លោក Dmitry Medvedev
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Medvedev បាននិយាយថា “បច្ចុប្បន្នសហរដ្ឋអាមេរិក និងណាតូកំពុងជាប់ពាក់ព័ន្ធក្នុងជម្លោះនេះ ។ ពួកគេធ្វើសង្គ្រាមប្រូកស៊ីប្រឆាំងនឹងរុស្ស៊ី ជាពិសេសការផ្គត់ផ្គង់អាវុធវាយលុកឥតឈប់ឈរទៅឲ្យអ៊ុយក្រែន ចាប់ពីអាវុធធុនតូច រហូតដល់ប្រព័ន្ធបាញ់គ្រាប់រ៉ុក្កែតជាច្រើនដូចជា HIMARS ជាដើម” ។

ទន្ទឹមនោះលោក Medvedev ក៏បានច្រានចោលការភ័យខ្លាចនៃការផ្ទុះឡើងនៃសង្គ្រាមលោកលើកទី ៣ ផងដែរ ប៉ុន្តែបានកត់សម្គាល់ថា សញ្ញាដំបូងនៃជម្លោះពិភពលោកដែលអាចកើតមានអាចត្រូវបានគេឃើញរួចទៅហើយ ។ លោក​បាន​បន្ថែម​ថា ប្រតិបត្តិការ​យោធា​ពិសេស​របស់​រុស្ស៊ី​នៅ​អ៊ុយក្រែន​បម្រើ​យ៉ាង​ពិត​ប្រាកដ​ក្នុង​ការ​ការពារ​ជម្លោះ​បែប​នេះ ។

ប្រធានក្រុមប្រឹក្សាសន្តិសុខក៏បានធានាផងដែរថា រុស្ស៊ីនឹងមិនងាកទៅរកការប្រើប្រាស់អាវុធនុយក្លេអ៊ែរដែលមិនមានការធានានៅក្នុងជម្លោះនោះទេ ហើយបានរំឭកថា ប្រទេសរុស្ស៊ីបានបង្កើតច្បាប់ប្រកបដោយតម្លាភាពសម្រាប់ការប្រើប្រាស់អាវុធយុទ្ធសាស្ត្ររបស់ខ្លួន ។ លោក​បាន​កត់​សម្គាល់​ថា ការ​ឆ្លើយ​តប​របស់​ក្រុង​មូស្គូ​ចំពោះ​ការ​គំរាម​កំហែង​ណា​មួយ​នឹងធ្វើឡើង​ស្រប​តាម​ទំហំ​នៃ​ការ​គំរាម​កំហែង​នោះ ។

ជាចុងក្រោយលោក Medvedev បានរំលឹកឡើងវិញនូវយុត្តិកម្មទាំងបួនសម្រាប់ការប្រើប្រាស់អាវុធនុយក្លេអ៊ែរដោយរុស្ស៊ី ដែលមានដូចជា ការប្រើប្រាស់អាវុធបែបនេះរបស់ប្រទេសដទៃមកលើរុស្ស៊ី, ការបាញ់បង្ហោះមីស៊ីលនុយក្លេអ៊ែរសំដៅលើប្រទេសរុស្ស៊ី, ការវាយប្រហារប្រឆាំងនឹងហេដ្ឋារចនាសម្ព័ន្ធគ្រប់គ្រងអាវុធយុទ្ធសាស្ត្ររបស់រុស្ស៊ី និងការគំរាមកំហែងជិតមកដល់ចំពោះអត្ថិភាពរបស់ប្រទេសរុស្ស៊ី ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ប្រទេសសម្ព័ន្ធមិត្ត រុស្ស៊ី ដំណើរការយន្តហោះចម្បាំងឡើងវិញដើម្បីផ្ទុកអាវុធ​នុយក្លេអ៊ែរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម