ប្រទេសសម្ព័ន្ធមិត្ត រុស្ស៊ី ដំណើរការយន្តហោះចម្បាំងឡើងវិញដើម្បីផ្ទុកអាវុធ​នុយក្លេអ៊ែរ

ប្រធានាធិបតីរបស់ប្រទេសបេឡារុសលោក Alexander Lukashenko បាននិយាយថា យន្តហោះចម្បាំង SU-24 របស់បេឡារុសកំពុងចាប់ផ្ដើមដំណើរការឡើងវិញដើម្បីផ្ទុកអាវុធនុយក្លេអ៊ែរ ។

ថ្លែងទៅកាន់អ្នកសារព័ត៌មាន លោក Lukashenko បាននិយាយថា លោកបានយល់ព្រមលើសំណើចាប់ផ្ដើមដំណើរឡើងវិញរបស់យន្តហោះចម្បាំង SU-24 ជាមួយសមភាគីរុស្ស៊ីលោក Vladimir Putin កាលពីពេលកន្លងមក ។

កន្លងមកបេឡារុសមិនមានអាវុធនុយក្លេអ៊ែរផ្ទាល់ខ្លួននោះទេ ប៉ុន្តែពឹងផ្អែកលើផ្នែកហិរញ្ញវត្ថុ និងនយោបាយលើទីក្រុងមូស្គូ ដែលជាសម្ព័ន្ធមិត្តជិតស្និទ្ធរបស់ខ្លួន ។

រុស្ស៊ីបានដាក់ពង្រាយកងកម្លាំងទៅកាន់ទឹកដីបេឡារុសក្រោមលេសនៃសមយុទ្ធយោធា មុនពេលចាប់ផ្តើមសង្គ្រាមលុកលុយរបស់ខ្លួន ហើយបន្ទាប់មកបានបញ្ជូនកងទ័ពចូលទៅក្នុងប្រទេសអ៊ុយក្រែន និងបើកប្រតិបត្តិការយោធាពិសេសវាយលុកទីក្រុងកៀវនៅថ្ងៃទី ២៤ ខែកុម្ភៈ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ មកដឹងខ្ទង់ចំណាយសម្រាប់ពិធីបុណ្យសពថ្នាក់រដ្ឋរបស់លោក Abe