Connect with us

ព័ត៌មានអន្ដរជាតិ

ព្យុះទីហ្វុង Hinnamnor នៅកូរ៉េខាងត្បូង សម្លាប់មនុស្ស១០នាក់ បំផ្លាញផ្ទះជាង ១ម៉ឺនខ្នង (មានវីដេអូ)

បានផុស

នៅ

គិតត្រឹមថ្ងៃពុធទី០៧ខែកញ្ញានេះ ចំនួនអ្នកស្លាប់ដោយសារព្យុះទីហ្វុង Hinnamnor នៅប្រទេសកូរ៉េខាងត្បូង បានកើនឡើងដល់ ១០ នាក់ហើយ បន្ទាប់ពីព្យុះនេះ វាយប្រហារឆ្នេរសមុទ្រភាគខាងត្បូង ជាមួយនឹងទឹករលកធំៗ និងភ្លៀងធ្លាក់ខ្លាំង។

ព្យុះទីហ្វុងនេះ ក៏បានជន់លិចផ្លូវ និងអគារនានាផងដែរ នៅពេលវាបោកបក់ឆ្លងកាត់ប្រទេស កាលពីថ្ងៃចន្ទ និងថ្ងៃអង្គារ។

ការិយាល័យប្រឆាំងគ្រោះមហន្តរាយ និងសុវត្ថិភាព បាននិយាយថា នៅទីក្រុងកំពង់ផែភាគអាគ្នេយ៍ Pohang ដែលជាតំបន់រងគ្រោះខ្លាំងបំផុត, សពមនុស្សចំនួន៧នាក់ និងអ្នករស់រានមានជីវិត២នាក់ ត្រូវបានទាញចេញពីចំណតរថយន្តក្រោមដីដែលលិចទឹក។ 

អ្នកទាំង៩ បានជាប់នៅទីនោះ បន្ទាប់ពីពួកគេចូលទៅចំណតដើម្បីយកយានយន្តចេញ អំឡុងពេលមានភ្លៀងធ្លាក់ខ្លាំង។

ប្រតិបត្តិការស្វែងរក និងជួយសង្គ្រោះនៅតែបន្តនៅថ្ងៃពុធនេះ ហើយអាជ្ញាធរនិយាយថា មនុស្ស២នាក់កំពុងបាត់ខ្លួននៅឡើយ។

ព្យុះ Hinnamnor បានបង្ខំឲ្យមនុស្សជាង ៤៧០០ នាក់ ជម្លៀសចេញពីផ្ទះទៅទីទួលសុវត្ថិភាព ហើយបានបំផ្លាញផ្ទះប្រហែល ១២០០០ ខ្នង រួមទាំងអគារជាច្រើនផងដែរ។

អាជ្ញាធរនិយាយថា គ្រួសារជិត ៩០០០០គ្រួសារ គ្មានអគ្គិសនីប្រើប្រាស់ទូទាំងប្រទេស ប៉ុន្តែការផ្គត់ផ្គង់ភាគច្រើនត្រូវបានស្ដារឡើងវិញ នៅព្រឹកថ្ងៃពុធ។

មុនព្យុះទីហ្វុងនេះបោកបក់ អាជ្ញាធរកូរ៉េខាងត្បូងបានបិទសាលារៀនជាង ៦០០កន្លែង នៅទូទាំងប្រទេស ដើម្បីជាការប្រុងប្រយ័ត្ន ហើយក្រុមហ៊ុនអាកាសចរណ៍បានលុបចោលជើងហោះហើរក្នុងស្រុកប្រមាណ ២៥០ ជើង៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Straits Times

ចុចអាន៖ ព្យុះទីហ្វុងខ្លាំងក្លាវាយប្រហារកូរ៉េខាងត្បូង, មនុស្សរាប់ពាន់នាក់ត្រូវជម្លៀស

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម