ប្រធានាធិបតីអ៊ុយក្រែនលោក Volodymyr Zelensky បាននិយាយថា កងទ័ពបានរំដោះការតាំងទីលំនៅរាប់សិបកន្លែង និងបានដណ្តើមយកមកវិញនូវទឹកដីជាង ១,០០០ គីឡូម៉ែត្រការ៉េក្នុងតំបន់ Kharkiv នៅភាគខាងកើតក៏ដូចជានៅតំបន់ Kherson ភាគខាងត្បូងកាលពីសប្តាហ៍មុន ។

លោក Zelenskyy បានបង្ហោះវីដេអូកាលពីថ្ងៃសុក្របង្ហាញពី ទាហានអ៊ុយក្រែនបានដណ្ដើមយកទីក្រុង Balakliia ភាគខាងកើត, ភាគខាងត្បូងនៃទីក្រុង Kharkiv ដែលជាទីក្រុងធំទី ២ របស់អ៊ុយក្រែន ។

ក្នុងវីដេអូនោះ យោធា​អ៊ុយក្រែន​បាន​និយាយ​ថា ខ្លួន​បាន​ឆ្ពោះទៅមុខ​ដល់ទឹកដីដែលដណ្ដើមបាន​ជិត ៥០ គីឡូម៉ែត្រក្នុងរយៈពេល ៣ ថ្ងៃ ​បន្ទាប់​ពី​ការ​វាយ​ប្រហារ​មួយលើ​រុស្ស៊ី ។

ទាហានរបស់អ៊ុយក្រែនបាននិយាយទៀតថា ពួកគេក៏កំពុងឃើញការដកថយរបស់កងកម្លាំងរុស្ស៊ីផងដែរ ជាពិសេសព្យាយាមជម្លៀសបុគ្គលិកយោធាដែលរងរបួស និងសម្ភារៈយោធាដែលខូចខាតនៅជិតទីក្រុង Kharkov ។

ការវាយដណ្ដើមយកទឹកដីមកវិញនៅភាគខាងកើតរបស់អ៊ុយក្រែនបានកើតឡើងមួយសប្តាហ៍ បន្ទាប់ពីទីក្រុងកៀវបានប្រកាសចាប់ផ្តើមការវាយលុកដែលរង់ចាំជាយូរមកហើយក្នុងចម្ងាយរាប់រយគីឡូម៉ែត្រពីផ្នែកម្ខាងទៀតនៃតំបន់ជួរមុខនៅក្នុងខេត្ត Kherson ភាគខាងត្បូង ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ការសិក្សាថ្មី ៖ ផែនដីកំពុងស្ថិតក្នុងហានិភ័យ ៤ ចំណុច អាចជាមហន្តរាយ​សម្រាប់មនុស្សជុំវិញពិភពលោក