ព័ត៌មានអន្ដរជាតិ
ការសិក្សាថ្មី ៖ ផែនដីកំពុងស្ថិតក្នុងហានិភ័យ ៤ ចំណុច អាចជាមហន្តរាយសម្រាប់មនុស្សជុំវិញពិភពលោក
ការសិក្សាដែលបោះពុម្ពផ្សាយក្នុងទស្សនាវដ្ដី Science បានឲ្យដឹងកាលពីថ្ងៃសុក្រថា ផែនដីកំពុងស្ថិតក្នុងហានិភ័យ និងគ្រោះថ្នាក់ចំនួន ៤ ចំណុចដូចជា ការកើនឡើងកម្ដៅផែនដី, ការរលាយនៃផ្ទាំងទឹកកកនៅតំបន់ Greenland និងភាគខាងលិចអង់តាក់ទិកដែលបណ្តាលឲ្យមានការកើនឡើងកម្រិតទឹកសមុទ្រដ៏ធំ, ការរលាយស្រទាប់ដីក្រោមនៅតំបន់ប៉ូល និងការងាប់ផ្កាថ្មត្រូពិចទ្រង់ទ្រាយធំ ។
លោក David Armstrong McKay អ្នកដឹកនាំការសិក្សានៃមជ្ឈមណ្ឌល Stockholm Resilience Center បាននិយាយថា ទោះបីជាការបំភាយឧស្ម័នត្រូវបានបញ្ឈប់ ហើយសីតុណ្ហភាពឈប់កើនឡើងក៏ដោយ ក៏ផ្ទាំងទឹកកក មហាសមុទ្រ ឬទឹកភ្លៀងនឹងបន្តធ្លាក់ចុះជាច្រើនទសវត្សរ៍ទៀត ។
លោក David Armstrong បាននិយាយទៀតថា “យើងអាចមើលឃើញសញ្ញានៃអស្ថិរភាពនេះរួចហើយនៅក្នុងផ្នែកនៃផ្ទាំងទឹកកកភាគខាងលិចអង់តាក់ទិក និង Greenland ក៏ដូចជានៅក្នុងតំបន់ព្រៃអាម៉ាហ្សូន រួមជាមួយចរន្តប្រែប្រួលនៅតំបន់អាត្លង់ទិក” ។
ចំណែកលោកសាស្ត្រាចារ្យ Johan Rockstrom នាយកវិទ្យាស្ថាន Potsdam សម្រាប់ការស្រាវជ្រាវផលប៉ះពាល់អាកាសធាតុបាននិយាយថា “បច្ចុប្បន្ន ពិភពលោកកំពុងឆ្ពោះទៅរកនៃការឡើងកំដៅផែនដីពី ២ ទៅ ៣ អង្សាសេ ហើយនេះបញ្ជាក់ថា ផែនដីកំពុងឆ្លងកាត់ចំណុចគ្រោះថ្នាក់ជាច្រើនដែលនឹងក្លាយជាមហន្តរាយសម្រាប់មនុស្សជុំវិញពិភពលោក ។
លោក Rockstrom សង្កត់ធ្ងន់ថា ” ការសិក្សានេះពិតជាបញ្ជាក់ពីមូលហេតុនៃគោលដៅកិច្ចព្រមព្រៀងទីក្រុងប៉ារីសដែលកំណត់សីតុណ្ហភាព ១.៥ អង្សាសេ ។ ដូច្នេះដើម្បីរក្សាបាននូវលក្ខខណ្ឌដែលអាចរស់នៅបាននៅលើផែនដី និងធ្វើឲ្យសង្គមមានស្ថេរភាព យើងត្រូវធ្វើអ្វីគ្រប់យ៉ាងដែលអាចធ្វើទៅបានដើម្បីការពារចំណុចសំខាន់ទាំងអស់របស់ផែនដី” ។
កិច្ចព្រមព្រៀងទីក្រុងប៉ារីសគឺជា កិច្ចព្រមព្រៀងស្តីពីការប្រែប្រួលអាកាសធាតុជាសាកលដំបូងគេដែលមិនធ្លាប់មាន និងស្របច្បាប់ត្រូវបានអនុម័តនៅក្នុងសន្និសីទអាកាសធាតុទីក្រុងប៉ារីស (COP21) ក្នុងខែធ្នូ ឆ្នាំ ២០១៥ ។ វាបានកំណត់ក្របខ័ណ្ឌពិភពលោកដើម្បីចៀសវាងការប្រែប្រួលអាកាសធាតុដ៏គ្រោះថ្នាក់ដោយកំណត់ការឡើងកម្ដៅផែនដីឲ្យនៅក្រោមកម្រិត ២ អង្សាសេ និងបន្តការខិតខំប្រឹងប្រែងដើម្បីកំណត់សីតុណ្ហភាពដល់ក្រោម ១.៥ អង្សាសេ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង