ព័ត៌មានអន្ដរជាតិ
លោក Zelensky សារភាពថា អ៊ុយក្រែន គឺពឹងផ្អែកលើ សហរដ្ឋអាមេរិក (មានវីដេអូ)
ក្នុងបទសម្ភាសន៍មួយកាលពីចុងសប្តាហ៍អំពីនយោបាយផ្ទៃក្នុងរបស់អាមេរិក ប្រធានាធិបតីអ៊ុយក្រែន លោក Vladimir Zelensky បានប្រាប់ CNN ថា ទីក្រុងកៀវ អាចចាញ់សង្រ្គាមបើមិនមានជំនួយផ្នែកហិរញ្ញវត្ថុ និងយោធាពីសហរដ្ឋអាមេរិកទេនោះ។
លោក Zelensky បានប្រាប់ពិធីករ Fareed Zakaria របស់ CNN ក្នុងអំឡុងបទសម្ភាសន៍នោះថា “ខ្ញុំសូមអរគុណចំពោះលោកប្រធានាធិបតី Joe Biden និងសេតវិមាន និងការគាំទ្រទាំង២គណបក្ស។ បើគ្មានការគាំទ្រនេះទេ យើងនឹងមិនអាចដណ្តើមយកទឹកដីរបស់យើងមកវិញ បានទេ។ ខ្ញុំជឿថា ការគាំទ្រទាំង២គណបក្សនេះនឹងនៅតែរឹងមាំ។ សម្រាប់យើង នោះពិតជាមានសារសំខាន់ខ្លាំងណាស់”។
ស្របពេលជាមួយគ្នានោះដែរ លោក Zelensky បានប្រាប់ CNN ថា ប្រសិនបើលោកខាងលិចឈប់បញ្ជូនអាវុធ និងលុយឲ្យទីក្រុងកៀវ, រុស្ស៊ីអាចឈ្នះការប្រយុទ្ធនេះបាន។
គួរបញ្ជាក់ថា សហរដ្ឋអាមេរិកបានផ្តល់ជំនួយយោធាក្នុងទំហំទឹកប្រាក់ជាង៣០ពាន់លានដុល្លារដល់អ៊ុយក្រែន ដែលក្នុងនោះ មាន១៧ ពាន់លានដុល្លារគឺបាននៅចន្លោះពេលនៃរដ្ឋប្រហារឆ្នាំ២០១៤ ដល់ការកើនឡើងនៃអរិភាពក្នុងខែកុម្ភៈ។ គ្រាប់រំសេវ និងសព្វាវុធថ្មីៗបំផុតដែលបានប្រកាសកាលពីសប្តាហ៍មុន មានតម្លៃ ៦៧៥ លានដុល្លារ។
បន្ថែមពីលើអាវុធ គ្រាប់រំសេវ និងសាច់ប្រាក់ដើម្បីបំពេញថវិការបស់អ៊ុយក្រែន ទីភ្នាក់ងារស៊ើបការណ៍សម្ងាត់អាមេរិក និងចក្រភពអង់គ្លេសកំពុង ធ្វើការជាមួយអ៊ុយក្រែន រួមទាំងផែនការសម្រាប់ការវាយលុកកាលពីសប្តាហ៍មុននៅក្នុងតំបន់ Kharkov ផងដែរ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ អ្នកនយោបាយរុស្ស៊ីមួយក្រុមទៀត ចេញមុខទាមទារឲ្យលោក ពូទីន ចុះចេញពីតំណែង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ