ព័ត៌មានអន្ដរជាតិ
ផ្ទុះការប៉ះទង្គិចថ្មី ទាហានអាស៊ែបៃហ្សង់ ៥០ ស្លាប់ ពេលបាញ់ផ្លោងជាមួយ អាមេនី
ក្រសួងការពារជាតិអាស៊ែបៃហ្សង់បាននិយាយកាលពីថ្ងៃអង្គារថា ទាហានអាស៊ែបៃហ្សង់ ៥០ នាក់ត្រូវបានសម្លាប់ ក្នុងអំឡុងពេលប៉ះទង្គិចគ្នាថ្មីៗជាមួយប្រទេសអាមេនីនៅតាមតំបន់ព្រំដែន Nagorno-Karabakh ។
យោងតាមទីក្រុង Baku បានឲ្យដឹងថា យោធាអាមេនីបានបាញ់ទៅលើទីតាំងរបស់កងទ័ពអាស៊ែបៃហ្សង់នៅតាមព្រំដែនកាលពីល្ងាចថ្ងៃចន្ទ ហើយជាការឆ្លើយតបយោធាអាស៊ែបៃហ្សង់បានបាញ់ផ្លោងទៅលើភាគីអាមេនីវិញ ដោយប្រើកាំភ្លើងធំ និងយន្តហោះគ្មានមនុស្សបើក (ដ្រូន) ដែលជាលទ្ធផលក៏មានទាហានអាមេនីប្រមាណ ៤៩ នាក់ត្រូវបានសម្លាប់ផងដែរ ។
ក្រសួងបាននិយាយថា “ទាហានទាំង ៥០ នាក់នៃកងកម្លាំងប្រដាប់អាវុធដែលត្រូវបានសម្លាប់ក្នុងអំឡុងការបង្ក្រាបលើការបង្កហេតុទ្រង់ទ្រាយធំដោយរដ្ឋាភិបាលទីក្រុង Yerevan នោះមានទាហាន ៤២ នាក់មកពីកងទ័ពអាស៊ែបៃហ្សង់ និងទាហាន ៨ នាក់ទៀតមកពីសេវាកម្មព្រំដែនរដ្ឋ” ។
តំបន់ Nagorno-Karabakh ជាតំបន់ភ្នំដែលមានប្រជាជនអាមេនីរស់នៅច្រើន បានប្រកាសឯករាជ្យរបស់ខ្លួនពីប្រទេសអាស៊ែបៃហ្សង់ក្នុងឆ្នាំ ១៩៩១ ប៉ុន្តែឋានៈរបស់តំបន់នេះមិនត្រូវបានទទួលស្គាល់ជាអន្តរជាតិនោះទេ ។
បន្ថែមពីនេះ ជម្លោះដ៏រ៉ាំរ៉ៃនៅតំបន់ Nagorno-Karabakh ក៏បានផ្ទុះឡើងនៅក្នុងខែកញ្ញា ឆ្នាំ ២០២០ ដែលបង្ហាញពីការកើនឡើងដ៏ធ្ងន់ធ្ងរបំផុតនៃការប្រឈមមុខដាក់គ្នាក្នុងរយៈពេលជាច្រើនឆ្នាំ ។ ទោះយ៉ាងណាអរិភាពបានបញ្ចប់ដោយសេចក្តីថ្លែងការណ៍ត្រីភាគីដែលមានទីក្រុងមូស្គូជាអ្នកសម្របសម្រួល និងបានចុះហត្ថលេខាក្នុងខែវិច្ឆិកា ឆ្នាំ ២០២០ ។
ក្រោយមកអាមេនី និងអាស៊ែបៃហ្សង់បានយល់ព្រមបញ្ឈប់បទបាញ់ប្រហារទាំងស្រុង និងផ្លាស់ប្តូរអ្នកទោសទៅវិញទៅមកផងដែរ ។ យ៉ាងណាក៏ដោយ ស្ថានការណ៍ក្នុងតំបន់នៅមានភាពតានតឹងនៅឡើយ ដោយមានការប៉ះទង្គិចគ្នាម្តងម្កាលរវាងប្រទេសទាំងពីរ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ តម្លៃឧស្ម័ននៅ អឺរ៉ុប រយៈពេល ៤ ខែចុងក្រោយ បន្ទាប់ពីដាក់ទណ្ឌកម្ម រុស្ស៊ី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ