តម្លៃឧស្ម័ននៅ អឺរ៉ុប រយៈពេល ៤ ខែចុងក្រោយ បន្ទាប់ពីដាក់ទណ្ឌកម្ម រុស្ស៊ី

ការដាក់ទណ្ឌកម្មពីសំណាក់លោកខាងលិចពាក់ព័ន្ធការនាំចេញប្រេងរុស្ស៊ីទៅកាន់អឺរ៉ុប ដោយសារតែប្រតិបត្តិការយោធាពិសេសរបស់ទីក្រុងមូស្គូលើប្រទេសអ៊ុយក្រែន កំពុងបណ្ដាលឲ្យទ្វីបមួយនេះជួបវិបត្តិផ្គត់ផ្គង់ថាមពលឧស្ម័នយ៉ាងខ្លាំង ជាពិសេសការកើនឡើងតម្លៃក្នុងរយៈពេល ៤ ខែចុងក្រោយនេះ ។

ក្នុងខែមិថុនាតម្លៃឧស្ម័នជាមធ្យមនៅអឺរ៉ុបគឺប្រហែល ១,២៤០ ដុល្លារក្នុង ១,០០០ ម៉ែត្រគូប និងប្រហែល ១,៨៥០ ដុល្លារក្នុងខែកក្កដា ។ ចំណែកនៅក្នុងខែសីហាតម្លៃឧស្ម័នគឺ ២,៥១៥ ដុល្លារ ហើយចាប់​តាំង​ពី​ដើម​ខែ​កញ្ញា​មក តម្លៃ​ឧស្ម័ន​​ជា​មធ្យម​ប្រហែល ២ ,៣៣០ ដុល្លារ​ក្នុង ១,០០០ ម៉ែត្រ​គូប ខណៈតម្លៃខ្ពស់បំផុតបានឡើងរហូតដល់ ៣,៥៤១ ដុល្លារ ចាប់តាំងពីដើមខែមីនា ។

ការកើនឡើងតម្លៃនេះក៏កើតឡើង ស្របពេលដែលក្រុមហ៊ុនប្រេងយក្សរុស្ស៊ី Gazprom បានបញ្ចប់ការផ្គត់ផ្គង់ទាំងស្រុងតាមរយៈបំពង់បង្ហូរប្រេង Nord Stream ចាប់ពីថ្ងៃទី៣១ ខែសីហា ដល់ថ្ងៃទី៣ ខែកញ្ញា ប៉ុន្តែក៏អាចបញ្ឈប់នេះផងដែរ នៅពេលអឺរ៉ុបដកការដាក់ទណ្ឌកម្មលើរដ្ឋាភិបាលទីក្រុងមូស្គូ ។

បំពង់ Nord Stream លាតសន្ធឹងប្រវែង ១,២០០ គីឡូម៉ែត្រ នៅបាតសមុទ្របាល់ទិក ចាប់ពីឆ្នេររុស្ស៊ី នៅជិតទីក្រុង St Petersburg ទៅភាគឦសានប្រទេសអាល្លឺម៉ង់ ។

បំពង់នេះបើកដំណើរការក្នុងឆ្នាំ ២០១១ ហើយអាចបញ្ជូនឧស្ម័នអតិបរមា ១៧០ ម៉ែត្រគូបក្នុងមួយថ្ងៃ ពីប្រទេសរុស្ស៊ីទៅកាន់អាល្លឺម៉ង់ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ មកដឹងចំនួនប្រទេសនៅទូទាំងពិភពលោកដែលជំពាក់បំណុល ចិន