អាមេនី បញ្ជាក់ពីបទឈប់បាញ់ជាមួយ អាស៊ែបៃហ្សង់ ក្រោយផ្ទុះអំពើហិង្សាថ្មី (មានវីដេអូ)

យោងតាមមន្ត្រីជាន់ខ្ពស់អាមេនីម្នាក់បានឲ្យដឹងកាលពីថ្ងៃពុធថា បទឈប់បាញ់មួយ ត្រូវបានព្រមព្រៀងដោយប្រទេសអាមេនី និងអាស៊ែបៃហ្សង់ បន្ទាប់ពីផ្ទុះអំពើហិង្សារយៈពេលពីរថ្ងៃនៅលើទឹកដី Nagorno-Karabakh។

ទោះបីជាយ៉ាងណាក៏ដោយ ភាគីអាស៊ែបៃហ្សង់ មិនបានបញ្ជាក់ពីបទឈប់បាញ់ ដែលនឹងបញ្ចប់អំពើហិង្សាដ៏សាហាវបំផុត រវាងប្រទេសទាំង២ចាប់តាំងពីឆ្នាំ ២០២០មកនោះទេ។

ការ​ប៉ះ​ទង្គិច​គ្នា​នេះ ​ត្រូវ​បាន​ផ្សារភ្ជាប់​ទៅ​នឹង​ជម្លោះរយៈពេល​រាប់​ទសវត្សរ៍ ​រវាង​អតីត​រដ្ឋ​សូវៀតទាំង២។

លោក Armen Grigoryan លេខាធិការក្រុមប្រឹក្សាសន្តិសុខអាមេនី បាននិយាយថា “សូមអរគុណចំពោះការចូលរួមរបស់សហគមន៍អន្តរជាតិ កិច្ចព្រមព្រៀងមួយត្រូវបានសម្រេចលើបទឈប់បាញ់”។

ទាំងអាមេនី និងអាស៊ែបៃហ្សង់ បានស្តីបន្ទោសគ្នាទៅវិញទៅមក ចំពោះការផ្ទុះឡើងនូវអំពើហិង្សាចុងក្រោយបំផុតនេះ។

នាយករដ្ឋមន្ត្រីអាមេនី លោក Nikol Pashinyan បានប្រាប់សភាថា ទាហានអាមេនី ចំនួន១០៥នាក់ត្រូវបានសម្លាប់ចាប់តាំងពីអំពើហិង្សា កើតឡើងក្នុងសប្តាហ៍នេះ ខណៈអាស៊ែបៃហ្សង់ រាយការណ៍ថា យោធារបស់ខ្លួនចំនួន ៥០នាក់ត្រូវបានសម្លាប់នៅថ្ងៃដំបូងនៃការប្រយុទ្ធ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Reuters

ចុចអាន៖ បាញ់គ្នា២ថ្ងៃ ស្លាប់កងទ័ពអាមេនី ជាង១០០នាក់ និងអាស៊ែបៃហ្សង់ ៥០នាក់