ព័ត៌មានអន្ដរជាតិ

ពូទីន ព្រមានឆ្លើយតបធ្ងន់ធ្ងរជាងមុន បើ អ៊ុយក្រែន នៅតែបន្តវាយបក (មានវីដេអូ)

បានផុស

២ years មុន

នៅ

ថ្ងៃអាទិត្យ ១៨ កញ្ញា ២០២២

ដោយ

ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានសន្យាថា នឹងបន្តយុទ្ធនាការប្រឆាំងអ៊ុយក្រែន ដោយព្រមានថា ប្រសិនបើអ៊ុយក្រែននៅតែវាយប្រហារតបត ការឆ្លើយតបខាងយោធាធ្ងន់ធ្ងរជាងនេះ នឹងត្រូវបានធ្វើឡើង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ពូទីន នៅតែប្រកាន់ខ្ជាប់នូវគោលជំហរ ទោះបីជាមានភ័ស្តុតាងរឹងមាំថា កងកម្លាំងរបស់លោក បានទទួលរងបរាជ័យយ៉ាងធ្ងន់ធ្ងរក្នុងការវាយលុកអ៊ុយក្រែន នៅខែនេះក៏ដោយ។

យោងតាមមេដឹកនាំរុស្ស៊ី, គោលដៅសំខាន់នៃយុទ្ធនាការជាបន្តនេះគឺ ត្រូវរំដោះទាំងមូលនូវទឹកដី Donbas ដែលជាតំបន់នៃភាគខាងកើតអ៊ុយក្រែនរួមមាន Donetsk និង Luhansk។

លោក ពូទីន និយាយថា “ផែនការនេះមិនត្រូវបានផ្លាស់ប្តូរទេ។ ប្រតិបត្តិការវាយលុករបស់យើងនៅ Donbas មិនបញ្ឈប់ឡើយ។ ទោះក្នុងល្បឿនយឺត តែកងទ័ពរុស្ស៊ីកំពុងកាន់កាប់ទឹកដីថ្មីៗជាបន្តទៀត”។

ស្របពេលជាមួយគ្នានោះ លោកបានចោទកងកម្លាំងអ៊ុយក្រែន ពីការប៉ុនប៉ងប្រព្រឹត្តអំពើភេរវកម្ម និងបង្កការខូចខាតដល់ហេដ្ឋារចនាសម្ព័ន្ធស៊ីវិលរបស់រុស្ស៊ី។

លោកពូទីន បាននិយាយនៅក្នុងសន្និសីទសារព័ត៌មានកាលពីថ្ងៃសុក្រទី១៦ខែកញ្ញាថា “ពេលនេះ យើងពិតជាអត់ធ្មត់ខ្លាំងណាស់ ក្នុងការឆ្លើយតបរបស់យើងចំពោះបញ្ហានេះ តែប្រសិនបើស្ថានការណ៍បន្តវិវត្តន៍តាមរបៀបនេះ ការឆ្លើយតបនឹងកាន់តែធ្ងន់ធ្ងរ”៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Aljazeera

ចុចអាន៖ អ៊ុយក្រែន រកឃើញផ្នូរដាក់សពមនុស្សជាង ៤០០នាក់ក្នុងទីក្រុង Izium ក្រោយរុស្ស៊ី ដកទ័ព