ព័ត៌មានអន្ដរជាតិ
តើ អាមេរិក ជះលុយលើជំនួយយោធាឲ្យ អ៊ុយក្រែន អស់ប៉ុន្មានហើយ?
ក្រសួងការពារជាតិអាមេរិកបាននិយាយថា ជំនួយយោធាដែលសហរដ្ឋអាមេរិកផ្ដល់ឲ្យប្រទេសអ៊ុយក្រែនមានចំនួនសរុបប្រហែល ១៦.២ ពាន់លានដុល្លារហើយ គិតចាប់ពីប្រទេសរុស្ស៊ីបានចាប់ផ្ដើមសង្គ្រាមលុកលុយមកលើរដ្ឋាភិបាលទីក្រុងកៀវកាលពីខែកុម្ភៈ ។
ជំនួយយោធាដ៏ច្រើនសន្ធឹកសន្ធាប់នេះកើតឡើង បន្ទាប់ពីសហរដ្ឋអាមេរិកបានប្រកាសកាលពីថ្ងៃពុធថា នឹងផ្តល់ជំនួយយោធាក្នុងទឹកប្រាក់ប្រហែល ១.១ ពាន់លានដុល្លារបន្ថែមទៀតដល់អ៊ុយក្រែន ។
កញ្ចប់ថ្មីនេះមានប្រព័ន្ធរ៉ុកកែតកាំភ្លើងធំចល័តខ្ពស់ ឬ HIMARS ចំនួន ១៨ គ្រឿង រថពាសដែក និងរ៉ាដាដែលមានសមត្ថភាពអាចតាមដានយន្តហោះគ្មានមនុស្សបើករបស់សត្រូវចំនួន ១៥០ គ្រឿងផងដែរ ។
ក្រសួងការពារជាតិអាមេរិកនិយាយថា ជំនួយចុងក្រោយនេះ គឺសំដៅជួយដល់ប្រទេសអ៊ុយក្រែនទាំងក្នុងរយៈពេលមធ្យម និងរយៈពេលវែង ស្របពេលដែលសហរដ្ឋអាមេរិកក៏ទើបតែផ្ដល់កិច្ចសន្យាជាមួយក្រុមហ៊ុនផលិតអាវុធដើម្បីផ្គត់ផ្គង់ឧបករណ៍ទំនើបៗដល់អ៊ុយក្រែនក្នុងរយៈពេលប៉ុន្មានឆ្នាំខាងមុខនេះ ។
ទន្ទឹមនោះ មន្ត្រីការពារជាតិជាន់ខ្ពស់ម្នាក់បានប្រាប់អ្នកសារព័ត៌មានថា “កញ្ចប់នេះគូសបញ្ជាក់ពីការប្តេជ្ញាចិត្តរបស់សហរដ្ឋអាមេរិកក្នុងការបន្តគាំទ្រអ៊ុយក្រែនក្នុងរយៈពេលវែង ខណៈដែលទីក្រុងវ៉ាស៊ីនតោននឹងវិនិយោគបន្ថែមលើសមត្ថភាពសំខាន់ៗដើម្បីកសាងកម្លាំងប្រដាប់អាវុធរបស់អ៊ុយក្រែនផងដែរ” ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ RT ផ្សាយថា អាមេរិក និងអឺរ៉ុប កំពុងអស់អាវុធឲ្យ អ៊ុយក្រែន ហើយ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង