Connect with us

ព័ត៌មានអន្ដរជាតិ

RT ផ្សាយថា អាមេរិក និងអឺរ៉ុប កំពុងអស់អាវុធឲ្យ អ៊ុយក្រែន ហើយ

បានផុស

នៅ

សាស្ត្រាចារ្យរងមកពីសាកលវិទ្យាល័យ National Defense របស់អាមេរិកលោក Dave Des Roches បានិយាយថា ក្នុងពេលឆាប់ៗនេះ ទីក្រុងវ៉ាស៊ីនតោនប្រហែលជាមិនមានលទ្ធភាពផ្គត់ផ្គង់អាវុធដល់ទីក្រុងកៀវទៀតនោះទេ ។

លោក Dave Des Roches

លោក Roches បានប្រាប់ស្ថានីយទូរទស្សន៍ CNBC ថា “អាមេរិកនឹងមិនមានលទ្ធភាពផ្គត់ផ្គង់អាវុធដល់អ៊ុយក្រែននោះទេ ដោយសារតែការផលិតសព្វាវុធថ្មីៗ គឺត្រូវការចំណាយពេលរាប់ខែ ដូច្នេះខ្ញុំពិតជាមានការព្រួយបារម្ភខ្លាំងណាស់អំពីរឿងនេះ” ។

ដោយឡែក បើយោងតាមលោក Josep Borrell តំណាងជាន់ខ្ពស់ទទួលបន្ទុកគោលនយោបាយការទូត និងសន្តិសុខនៃសហភាពអឺរ៉ុប (EU) បាននិយាយថា សហភាពអឺរ៉ុបក៏កំពុងស្ថិតនៅលើទូកតែមួយជាមួយនឹងអាមេរិកដែរ ។ អ្នកការទូតបានលើកឡើងនៅដើមខែនេះថា “ស្តុកយោធានៃប្រទេសសមាជិកអង្គការណាតូ និងអឺរ៉ុបដែលត្រូវបញ្ជូនឲ្យអ៊ុយក្រែនគឺកំពុងអស់ក្នុងសមាមាត្រដ៏ធំ” ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ កាលពីខែសីហា ប្រភពក្រសួងការពារជាតិក៏បានបញ្ជាក់ប្រាប់កាសែត Sunday Times របស់អង់គ្លេសផងដែរថា ជំនួយហិរញ្ញវត្ថុរបស់ចក្រភពអង់គ្លេសសម្រាប់យោធាអ៊ុយក្រែនអាចនឹងអស់ពីស្តុកនៅចុងឆ្នាំ ២០២២ នេះ ខណៈរដ្ឋាភិបាលអង់គ្លេសបានបែងចែកជំនួយយោធាជាង ២.៧ ពាន់លានដុល្លារដល់អ៊ុយក្រែនរួចហើយ ប៉ុន្តែបច្ចុប្បន្នជំនួយទាំងនេះកាន់តែថយចុះបន្តិចម្ដងៗ ។

គួរបញ្ជាក់ថា ចាប់តាំងពីសង្គ្រាមលុកលុយរបស់រុស្ស៊ីលើអ៊ុយក្រែនផ្ទុះឡើងកាលពីថ្ងៃទី២៤ ខែកុម្ភៈ ទាំងសហរដ្ឋអាមេរិក និងបណ្ដាប្រទេសលោកខាងលិចផ្សេងទៀត បានប្រកាសផ្ដល់ជំនួយសព្វាវុធ ក៏ដូចជាសម្ភារៈយោធាយ៉ាងច្រើនសន្ធឹកសន្ធាប់ដល់រដ្ឋាភិបាលទីក្រុងកៀវដើម្បីទប់ទល់នឹងសង្គ្រាមដែលបានអូសបន្លាយពេលជាង ៧ ខែមកនេះ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ជនជាតិ រុស្ស៊ី ជាង ១៩៤,០០០ នាក់ហើយសម្រុកចេញពីប្រទេស ក្រោយ​​លោក ពូទីន ប្រកាសកែនទ័ព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម