លោក ពូទីន បង្ហាញជំនាញបាញ់កាំភ្លើងយ៉ាងស្ទាត់

ប្រធានាធិបតីរុស្ស៊ី លោក វ្ល៉ាឌីមៀរ ពូទីន និងរដ្ឋមន្ត្រីការពារជាតិ Sergey Shoigu បានចុះទៅកន្លែងហ្វឹកហាត់នៅតំបន់ Ryazan ភាគខាងលិចកាលពីថ្ងៃព្រហស្បតិ៍ទី២០ខែតុលា ដើម្បីពិនិត្យមើលការរៀបចំកងទ័ពដែលកែនបាន ជាលើកដំបូង។

លោក ពូទីន និង Shoigu បានពិនិត្យមើលឧបករណ៍ស្តង់ដារដែលនឹងត្រូវបំពាក់ឲ្យទាហាន រួមទាំងឯកសណ្ឋាន មួកសុវត្ថិភាព និងអាវក្រោះ ព្រមទាំងស្បែកជើងកវែងផងដែរ។

កាលពីសប្តាហ៍មុន ប្រធានាធិបតីរុស្ស៊ី បានបង្ហាញការសោកស្ដាយចំពោះ ភាពអសមត្ថភាពរបស់មន្ត្រីមួយចំនួន ក្នុងអំឡុងពេលយុទ្ធនាការកែនទាហាន ហើយបានសារភាពថា ប្រសិនបើទីក្រុងមូស្គូមិនប្រកាសពីការកែនទ័ពទេនោះ យើងនឹងមិនមើលឃើញបញ្ហា ដែលប្រមូលផ្តុំនៅទីនោះឡើយ។

ស្របពេលជាមួយគ្នានោះដែរ លោក ពូទីន និងរដ្ឋមន្ត្រីការពារជាតិ ក៏បានជួបទាហានបម្រុង និងបានទៅមើលវាលបាញ់កាំភ្លើង នៅឯកន្លែងហ្វឹកហាត់ផងដែរ។ ហើយនៅក្នុងវីដេអូមួយ ​លោក ពូទីន បានបង្ហាញការបាញ់កាំភ្លើងស៊ីប Dragunov (SVD) យ៉ាងស្ទាត់ជំនាញ។

គួរបញ្ជាក់ជាថ្មី ប្រទេសរុស្ស៊ី បានប្រកាសអំពីការកែនទ័ពកាលពីថ្ងៃទី២១ខែកញ្ញា ក្នុងកិច្ចខិតខំប្រឹងប្រែងដើម្បីជំរុញប្រតិបត្តិការយោធាដែលកំពុងបន្តនៅក្នុងប្រទេសអ៊ុយក្រែន ដែលបានចាប់ផ្តើមនៅចុងខែកុម្ភៈ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖​ RT

ចុចអាន៖ អាមេរិក និងអ៊ុយក្រែន ថ្កោលទោសការប្រកាសច្បាប់អាជ្ញាសឹក របស់លោក ពូទីន