ព័ត៌មានអន្ដរជាតិ
យន្តហោះចម្បាំងអាមេរិក និងកូរ៉េខាងត្បូង ចាប់ផ្តើមធ្វើសមយុទ្ធដែនអាកាស ធំបំផុតមិនធ្លាប់មាន
នៅថ្ងៃចន្ទទី៣១ខែតុលានេះ សហរដ្ឋអាមេរិក និងកូរ៉េខាងត្បូង បានចាប់ផ្តើមសមយុទ្ធដែនអាកាសរួមគ្នាធំបំផុត ដោយយន្តហោះចម្បាំងរាប់រយគ្រឿងមកពីប្រទេសទាំងពីរ បានធ្វើការហោះហើរហាត់វាយប្រហាររយៈពេល២៤ម៉ោងក្នុងមួយថ្ងៃ។
កងទ័ពអាកាសអាមេរិកបាននិយាយនៅក្នុងសេចក្តីថ្លែងការណ៍មួយកាលពីសប្តាហ៍មុនថា ប្រតិបត្តិការដែលមានឈ្មោះថា Vigilant Storm នឹងដំណើរការរហូតដល់ថ្ងៃសុក្រ ដោយយន្តហោះចម្បាំងប្រហែល២៤០គ្រឿង នឹងធ្វើប្រតិបត្តិការហោះហើរប្រហែល ១៦០០ជើង។ សេចក្តីថ្លែងការណ៍ដដែលបន្ថែមថា ចំនួនបេសកកម្មនេះ គឺខ្ពស់បំផុតមិនធ្លាប់មានសោះសម្រាប់ព្រឹត្តិការណ៍ប្រចាំឆ្នាំមួយនេះ។
សមយុទ្ធ Vigilant Storm នឹងរួមបញ្ចូលទាំងយន្តហោះចម្បាំងបំបាំងកាយ F-35 ពីសហរដ្ឋអាមេរិក និងកូរ៉េខាងត្បូងផងដែរ។ ចំណែក ប្រទេសអូស្ត្រាលី ក៏នឹងដាក់ពង្រាយយន្តហោះចាក់ប្រេងលើអាកាសសម្រាប់សមយុទ្ធនេះផងដែរ។
ទោះបីជាយ៉ាងណាក៏ដោយ ទីក្រុងព្យុងយ៉ាង បានថ្កោលទោសសមយុទ្ធរួមគ្នានេះ ថាជាការហាត់សមសម្រាប់ការឈ្លានពាននិងបង្ហាញពីគោលនយោបាយអរិភាពរបស់ទីក្រុងវ៉ាស៊ីនតោននិងសេអ៊ូល។ ជាការតវ៉ាចំពោះសមយុទ្ធនាពេលថ្មីៗនេះ ប្រទេសកូរ៉េខាងជើងបានបាញ់មីស៊ីល ធ្វើសមយុទ្ធតាមអាកាស ហើយបាញ់កាំភ្លើងធំចូលទៅក្នុងសមុទ្រ។
សម្ព័ន្ធមិត្តនិយាយថា ការហ្វឹកហ្វឺនបែបនេះ គឺចាំបាច់ដើម្បីទប់ទល់នឹងការគំរាមកំហែងដ៏មានសក្តានុពលពីប្រទេសកូរ៉េខាងជើង ដែលបានបាញ់បង្ហោះមីស៊ីលជាច្រើនគ្រាប់នៅឆ្នាំនេះ ហើយបានត្រៀមលក្ខណៈ ដើម្បីចាប់ផ្តើមសាកល្បងនុយក្លេអ៊ែរឡើងវិញ ជាលើកដំបូងចាប់តាំងពីឆ្នាំ២០១៧មក៕
ប្រែសម្រួល៖ Vann Vann
ប្រភព៖ CNA
ចុចអាន៖ អាមេរិក-កូរ៉េខាងត្បូង ប្រកាសធ្វើសមយុទ្ធដែនអាកាសទ្រង់ទ្រាយធំឡើងវិញ ក្រោយផ្អាក ៤ឆ្នាំ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង