ព័ត៌មានអន្ដរជាតិ
កូរ៉េខាងជើង ចេញមុខឆ្លើយតប ក្រោយអាមេរិកចោទថា ផ្តល់កាំភ្លើងធំទៅឲ្យ រុស្ស៊ី
ប្រទេសកូរ៉េខាងជើង បាននិយាយនៅថ្ងៃអង្គារទី០៨ខែវិច្ឆិកានេះថា ការអះអាងដោយសហរដ្ឋអាមេរិកដែលថា ទីក្រុងព្យុងយ៉ាងកំពុងផ្គត់ផ្គង់គ្រាប់កាំភ្លើងធំដល់ទីក្រុងមូស្គូ សម្រាប់សង្គ្រាមរបស់ខ្លួននៅអ៊ុយក្រែនគឺ “គ្មានមូលដ្ឋាន”។
ការស្តីបន្ទោសនេះកើតឡើង ចំពេលមានភាពតានតឹងកាន់តែខ្លាំងនៅលើឧបទ្វីបកូរ៉េ បន្ទាប់ពីមានការសាកល្បងអាវុធរបស់កូរ៉េខាងជើងកាលពីសប្តាហ៍មុន រួមទាំងមីស៊ីលផ្លោងអន្តរទ្វីបផងដែរ ខណៈសហរដ្ឋអាមេរិក និងកូរ៉េខាងត្បូង បានធ្វើសមយុទ្ធទ័ពអាកាសទ្រង់ទ្រាយធំបំផុតមិនធ្លាប់មាន។
សហរដ្ឋអាមេរិក និងកូរ៉េខាងត្បូងព្រមានថា ការបាញ់មីស៊ីលម្តងហើយម្តងទៀតរបស់កូរ៉េខាងជើងនាពេលថ្មីៗនេះ អាចឈានដល់ការសាកល្បងនុយក្លេអ៊ែរ។
សេចក្តីថ្លែងការណ៍ថ្ងៃអង្គារ បានច្រានចោលការចោទប្រកាន់របស់អ្នកនាំពាក្យសន្តិសុខជាតិសេតវិមានលោក John Kirby ដែលបាននិយាយកាលពីសប្តាហ៍មុនថា កាំភ្លើងធំពីកូរ៉េខាងជើងទៅរុស្ស៊ី កំពុងផ្គត់ផ្គង់ក្រោមការបិទបាំងការដឹកជញ្ជូនទៅកាន់តំបន់មជ្ឈិមបូព៌ាឬអាហ្វ្រិក។
យោងតាម KCNA, អនុប្រធានកិច្ចការបរទេសយោធានៃក្រសួងការពារជាតិកូរ៉េខាងជើង បាននិយាយនៅក្នុងសេចក្តីថ្លែងការណ៍មួយថា “ថ្មីៗនេះ សហរដ្ឋអាមេរិក កំពុងបន្តផ្សព្វផ្សាយពាក្យចចាមអារ៉ាម អំពីការជួញដូរអាវុធដោយគ្មានមូលដ្ឋានរវាងកូរ៉េខាងជើង និងរុស្ស៊ី”។
សេចក្តីថ្លែងការណ៍បាននិយាយថា កូរ៉េខាងជើងមើលឃើញថា ពាក្យចចាមអារ៉ាមនេះ គឺជាផ្នែកមួយនៃការប៉ុនប៉ងអរិភាពរបស់សហរដ្ឋអាមេរិក ដើម្បីធ្វើឲ្យខូចមុខមាត់របស់កូរ៉េខាងជើងនៅក្នុងឆាកអន្តរជាតិ។
សេចក្តីថ្លែងការណ៍ដដែលបានបន្ថែមថា “យើងសូមបញ្ជាក់ជាថ្មីម្តងទៀតថា យើងមិនដែលមានការដោះដូរអាវុធជាមួយរុស្ស៊ីទេ។ យើងមិនមានផែនការធ្វើដូច្នេះឡើយនាពេលអនាគត”៕
ប្រែសម្រួល៖ Vann Vann
ប្រភព៖ CNA
ចុចអាន៖ រូបភាពពីផ្កាយរណបឃើញរថភ្លើង កូរ៉េខាងជើង ចេញពីប្រទេស សង្ស័យដឹក អាវុធទៅឲ្យ រុស្ស៊ី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង