​៤ ចំណុចដែលគេចាប់អារម្មណ៍បំផុត​ពីស្ដេចស៊ុលតង់​មកចូលរួមកិច្ចប្រជុំកំពូលអាស៊ាន​​

នៅរយៈពេលប៉ុន្មានថ្ងៃនេះ​នៅលើបណ្ដាញសង្គម​មានការចាប់អារម្មណ៍​ច្រើន​អំពីព្រះរាជវត្តមាន​ព្រះមហាក្សត្រព្រុយណេ​ដែលយាងមកចូលរួម​កិច្ចប្រជុំកំពូលអាស៊ានលើកទី ៤០-៤០ និងកិច្ចប្រជុំ​ពាក់ព័ន្ធនៅរាជធានីភ្នំពេញ ​ប្រទេសកម្ពុជា។

១. បើកយន្តហោះផ្ទាល់ដោយអង្គឯង

តាមរយៈរូបភាពផ្សព្វផ្សាយអំពីព្រះរាជដំណើរមកដល់របស់ព្រះចៅស៊ុលតង់ Haji Hassanal Bolkiah Muizzaddin Waddaulah ព្រះមហាក្សត្រនៃប្រទេសព្រុយណេ ដើម្បីចូលរួមកិច្ចប្រជុំកំពូលអាស៊ាននៅកម្ពុជា ត្រូវបានគេមើល ឃើញថា ព្រះអង្គយាងបើកយន្តហោះពិសេស Boeing 787-800 ដោយព្រះអង្គឯង​ផ្ទាល់ នៅពេលចុះ ចតនៅអាកាសយានដ្ឋានអន្តរជាតិភ្នំពេញ កាលពីវេលាម៉ោង ៤ និង ៣០ នាទីល្ងាចថ្ងៃទី ៩ ខែវិច្ឆិកា ឆ្នាំ ២០២២ នេះ។

២. ស្បែកជើង ក វែង

ព្រះចៅស៊ុលតង់ Haji Hassanal Bolkiah Muizzaddin Waddaulah ព្រះមហាក្សត្រនៃប្រទេសព្រុយណេ ត្រូវបានគេប្រទះឃើញទ្រង់ពាក់ព្រះសុពណ៌បាទ ក វែង (ស្បែកជើង ក វែង) ខុសពីមេដឹកនាំប្រទេសអាស៊ានដទៃទៀតទាំងអស់ អំឡុងពេលប្រជុំអាស៊ាន និងយាងគាល់ព្រះបាទ​សម្ដេច​ព្រះបរមនាថ នរោត្ដម សីហមុនី ព្រះមហាក្សត្រកម្ពុជា នៅព្រះបរមរាជវាំង នាថ្ងៃទី១០ ខែវិច្ឆិកានេះ។

៣. ស្ដេចខុសពីមេដឹកនាំអាស៊ាន

ព្រះចៅស៊ុលតង់មានព្រះរាជឋានៈជាព្រះហាក្សត្រ និងជាព្រះប្រមុខរដ្ឋព្រុយណេផងដែលបានមកចូលរួមកិច្ចប្រជុំកំពូលអាស៊ាន​ដែលតួនាទីនេះខុសពីថ្នាក់ដឹកនាំអាស៊ានផ្សេងទៀត​ដែលជានាយករដ្ឋមន្ត្រី និងប្រធានាធិបតី។

៤. ឥរិយាបថរាជបុត្រ

តាមរយៈរូបថតបង្ហាញពីឥរិយាបទការទូតខ្ពស់របស់ព្រះចៅស៊ុលតង់ប្រុយណេ បានផ្តល់ការគោរពដល់សម្តេចតេជោ ហ៊ុន សែន នាយករដ្ឋមន្ត្រីកម្ពុជា។ ទន្ទឹមគ្នានេះ គេក៏បានឃើញនូវកាយវិការឆ្គាំឆ្គងឈរក្រពាត់ដៃថតរូបរបស់ព្រះអង្គម្ចាស់ ជាព្រះរាជបុត្ររបស់ព្រះអង្គផងដែរ៕

អត្ថបទ៖ ឡេង ដេត