ព័ត៌មានអន្ដរជាតិ
លោក ពូទីន ហៅម្តាយទាហានរុស្ស៊ីមកប្រជុំ ព្រោះចង់ដឹងរឿង ៣យ៉ាង
កាលពីថ្ងៃសុក្រទី២៥ខែវិច្ឆិកា ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានជួបប្រជុំផ្ទាល់ខ្លួន ជាមួយម្តាយរបស់ទាហានរុស្ស៊ី។ លោកថា ថ្នាក់ដឹកនាំប្រទេស ព្រមទាំងលោកផ្ទាល់បានចាត់ទុកកូនប្រុសរបស់ពួកគេ ជាវីរបុរស។
លោកពូទីននិយាយថា លោកបានរៀបចំកិច្ចប្រជុំជាមួយម្តាយរបស់ទាហាន គឺដោយសារតែលោកចង់ស្តាប់យោបល់របស់ពួកគេ បទពិសោធន៍ផ្ទាល់របស់ពួកគេ និងព័ត៌មានដែលពួកគេបានទទួលពីសមរភូមិជួរមុខ។
លោកនិយាយថា “ខ្ញុំបានទទួលព័ត៌មានជាច្រើនពីប្រភពផ្សេងៗគ្នា ប៉ុន្តែការវាយតម្លៃរបស់អ្នក យោបល់របស់អ្នក និងគំនិតរបស់អ្នក គឺជាបញ្ហាខុសគ្នាទាំងស្រុង”។
លោកប្រធានាធិបតីបន្តថា “យើងនឹងធ្វើឲ្យអស់ពីសមត្ថភាព ដើម្បីកុំឲ្យអ្នកមានអារម្មណ៍ថា ត្រូវគេបោះបង់ចោល ហើយនឹងធ្វើអ្វីគ្រប់យ៉ាងដើម្បីឲ្យអ្នកមានអារម្មណ៍ថា ទទួលបានភាពកក់ក្តៅ”។
ស្របពេលជាមួយគ្នានោះដែរ លោកពូទីន បានសរសើរម្តាយទាំងនោះ សម្រាប់ការចិញ្ចឹមបីបាច់បុរសវ័យក្មេងដែលមានវីរភាពពិតប្រាកដ។ ការប្តេជ្ញាចិត្តរបស់ពួកគេក្នុងការបម្រើប្រទេសជាតិ មិនមែនជាលទ្ធផលនៃការណែនាំនិងសីលធម៌ណាមួយ ប៉ុន្តែជាលទ្ធផលនៃគំរូផ្ទាល់ខ្លួន ដែលកំណត់ដោយឪពុកម្តាយរបស់ពួកគេ។
គួរបញ្ជាក់ថា ព្រឹត្តិការណ៍នេះត្រូវបានប្រកាសកាលពីមុនដោយអ្នកនាំពាក្យវិមានក្រឹមឡាំង លោក Dmitry Peskov ដែលបានពន្យល់ថា កិច្ចប្រជុំនេះនឹងត្រូវធ្វើឡើងក្នុងទម្រង់ពិភាក្សាដោយសេរី ដោយគ្មានរបៀបវារៈកំណត់ណាមួយឡើយ។
កាលពីខែកញ្ញា លោកប្រធានាធិបតី ពូទីន បានបញ្ជាកែនទ័ពទូទាំងប្រទេស ដោយបញ្ជាក់ថា ការកោះហៅទាហានបម្រុងប្រហែល ៣០០ ០០០នាក់ ដើម្បីបំពាក់អាវុធ គឺជារឿងចាំបាច់ដើម្បីជួយដល់ការវាយលុកនៅអ៊ុយក្រែន៕
ប្រែសម្រួល៖ Vann Vann
ប្រភព៖ RT
ចុចអាន៖ រុស្ស៊ី ព្រមានបញ្ជូនប្រទេសអ៊ុយក្រែន ឲ្យវិលទៅសតវត្សរ៍ទី១៨វិញ
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ១ សប្តាហ៍ ago
ក្រុមហ៊ុនស្វីសមួយ សន្យានាំយកបច្ចេកវិទ្យាទំនើបឈានមុខគេ ដើម្បីចូលរួមអភិវឌ្ឍវិស័យកសិកម្មកម្ពុជា
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស