ក្រុមប្រឆាំងស៊ីរី ៧៨ នាក់ស្លាប់ក្នុងការវាយប្រហារតាមអាកាសរបស់រុស្ស៊ី

យ៉ាងហោចណាស់មនុស្ស ៧៨ នាក់បានស្លាប់នៅក្នុងប្រទេសស៊ីរី បន្ទាប់ពីការវាយប្រហារតាមអាកាសបានផ្តោតទៅលើទីតាំងបណ្តុះបណ្តាលរបស់ក្រុមប្រឆាំងមួយកន្លែង ។

ក្រុមឃ្លាំមើលសិទ្ធិមនុស្សស៊ីរីនិយាយកាលពីថ្ងៃអង្គារ ទី២៧ ខែតុលា ថា ជំរំក្រុមប្រឆាំងដែលគាំទ្រដោយប្រទេសទួរគីនៅក្នុងខេត្ត Idlib ភាគពាយ័ព្យប្រទេសស៊ីរីត្រូវបានវាយប្រហារដោយយោធារុស្ស៊ីដែលបានគាំទ្ររដ្ឋាភិបាលស៊ីរី ។

ទន្ទឹមនោះមនុស្សជាង ៩០ នាក់បានរងរបួសដោយសារការវាយប្រហារតាមអាកាសនេះផងដែរ ខណៈក្រុមយុទ្ធជនប្រឆាំងត្រូវបានគេជឿថាបានចូលរួមវគ្គបណ្តុះបណ្តាលនៅឯមជ្ឈមណ្ឌលក្បែរព្រំដែនស៊ីរីជាមួយទួរគី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ថែមពីនេះរណសិរ្សរំដោះជាតិបានចេញសេចក្តីថ្លែងការណ៍មួយដោយនិយាយថា ខ្លួនបានចាប់ផ្តើមវាយប្រហារមូលដ្ឋានរឹងមាំរបស់រដ្ឋាភិបាលស៊ីរីក្នុងការសងសឹកចំពោះអ្វីដែលគេហៅថាការវាយប្រហារតាមអាកាសរបស់រុស្ស៊ី ។

គួរបញ្ជាក់ថា ខេត្ត Idlib នៃប្រទេសស៊ិរីអាក់ខានឃើញការប្រយុទ្ធគ្នាទ្រង់ទ្រាយធំជាយូរមកហើយចាប់តាំងពីខែមីនា នៅពេលដែលប្រទេសរុស្ស៊ី និងទួរគីឈានដល់កិច្ចព្រមព្រៀងឈប់បាញ់ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ប៉ូលិសចូលបង្ក្រាបសង្វៀនជល់មាន់ តែត្រូវមាន់ដាក់មួយខ្នាយ ស្លាប់

ចុចអាន ៖ Molave ជាព្យុះទីហ្វុងខ្លាំងបំផុតដែលវាយប្រហារប្រទេស វៀតណាម ក្នុងឆ្នាំនេះ